«DRIVER UP»

“Driver UP” sodiqlik dasturida ishtirok etishning ushbu qoidalarida (bundan buyon matnda Qoidalar deb yuritiladi) quyidagi atamalar ushbu ma’noda ishlatiladi:

Avtorizatsiya-foydalanuvchi “Uklon Driver” mobil ilovasiga, “Uklon” onlayn xizmatiga kirish huquqini olish va 3.4-bandga muvofiq Qayd yozuvini yaratish jarayoni. Hamkor uchun ofertalar.

Dastur ishtirokchisi va/yoki Ishtirokchi – Avtorizatsiyani amalga oshirish uchun zarur harakatlarni amalga oshirgan, Shartlarga muvofiq Dasturda ishtirok etayotgan va uning ishtiroki Tashkilotchi tomonidan tasdiqlangan Foydalanuvchi.

Veb-sayt– bir-biriga bog’langan va veb-sayt manzili doirasida tuzilgan ma’lumotlar, elektron (raqamli) ma’lumotlar to’plami, ularga https://uz.uklon.eu/ Internet tarmog’idagi manzil orqali kirish mumkin . Veb-sayt dasturiy mahsulotlarga tegishli bo’lgan kompyuter dasturlashining natijasi hisoblanadi.

Mukofot – Dastur Hamkorlarining tovarlari va/yoki xizmatlari uchun mavjud (joriy) narxlardan chegirmalar (chegirmalar) va/yoki Dastur Hamkolari tomonidan taqdim etiladigan boshqa takliflar va/yoki imtiyozlar. Tovarlar va/yoki xizmatlarning mavjud (joriy) narxlaridan chegirmalar (chegirmalar) hajmi, takliflar va/yoki imtiyozlarning tavsifi va hajmi, shuningdek boshqa barcha tafsilotlar mobil ilovada va/yoki veb-saytda ko’rsatiladi.

Foydalanuvchi – Yo’lovchiga yengil transport vositasi bilan yo’lovchilarni tashish bo’yicha xizmatlar, yengil transport vositasi bilan kichik hajmdagi yuklarni tashish bo’yicha xizmatlar yoki vaqti-vaqti bilan Mobil ilova orqali mavjud bo’lishi mumkin bo’lgan boshqa xizmatlarni taqdim etadigan va/yoki taklif qiladigan, Hamkor uchun Oferta asosida Kompaniya bilan shartnomaviy munosabatlarda bo‘lgan va Avtorizatsiyadan o’tgan shaxs.

Buyurtma – Yo’lovchining yo’lovchilarni yengil transport vositasi bilan tashish, kichik hajmdagi yuklarni yengil transport vositasi bilan tashish yoki vaqti-vaqti bilan Mobil ilova orqali erishimli bo‘lishi mumkin bo’lgan boshqa xizmatlar uchun zarur rekvizitlar bo’yicha tuzilgan xizmatlarni olish uchun so’rovi.

Kompaniya va/yoki Tashkilotchi “UKLON UB” mas’uliyati cheklangan jamiyati shaklidagi xorijiy korxona, STIR 310448243, joylashgan joyi: 100060, O’zbekiston Respublikasi, Toshkent shahri, Mirobod tumani, T.Shevchenko ko’chasi, 34, 306-ofis, u Dastur tashkilotchisi hisoblanadi va Dasturni e’lon qilish, o’tkazish, shartlarini o’zgartirish va tugatish bo‘yicha eksklyuziv huquqlarga ega.

“Uklon Driver” mobil ilovasi va/yoki mobil ilova – bu iOS, Android elektron qurilmalari uchun “Uklon Driver” deb nomlangan mobil dastur ko’rinishidagi EHM dasturining nusxasi bo’lib, u Foydalanuvchiga “Uklon” onlayn xizmatiga tashuvchi sifatida kirish vositasi sifatida taqdim etiladi.

“Uklon” onlayn xizmati va/yoki onlayn xizmat – bu Mobil dastur va raqamlar, harflar, belgilar, rasmlar va ularning kombinatsiyalari (shu jumladan grafik ma’lumotlar, video ma’lumotlar va boshqalar) ko’rinishidagi EHM dasturlari va elektron ma’lumotlarning o’zaro bog’liq to’plamidan iborat texnologik platforma bo‘lib, u Yo’lovchi tomonidan unga joylashtirilgan buyurtmalar to’g’risidagi ma’lumotlarni avtomatlashtirilgan nazorat qilish, to’plash, qayta ishlash, tarqatish, saqlash va taqdim etish; talab va taklif nisbati, ob-havo sharoiti, marshrut, tirbandlik va boshqa omillarni hisobga olgan holda buyurtma narxini avtomatik ravishda hisoblash uchun mo’ljallangan, u marshrutlarni avtomatik ravishda quradi va Foydalanuvchini Yo’lovchi bilan bog’lash uchun ma’lumotlar almashinuvini ta’minlaydi, Yo’lovchiga o’z xohishiga ko’ra tegishli buyurtmalarni joylashtirish va o’zgartirish, Foydalanuvchiga esa tasdiqlash yoki rad etish, ularning joylashuvi to’g’risidagi ma’lumotlarni nashr etish, Foydalanuvchilarga baho berish, Xizmatning erishimli funksiyalari doirasida real vaqt rejimida dastur tomonidan qurilgan marshrutlardan foydalanish imkonini beradi.

Dasturda ruxsatsiz ishtirok etish – Dasturda uning shartlari va talablarini buzgan holda ishtirok etish, shu jumladan, faqat Dastur ishtirokchisiga qo’yiladigan talablarni buzish, telekommunikatsiya tarmoqlariga kirish uchun mos bo’lgan avtomatlashtirilgan tizimlar, kompyuter tarmoqlari, statsionar va/yoki ko’chma qurilmalarning ishlashiga ruxsatsiz aralashish natijasida dasturda ishtirok etish, asossiz haq olish maqsadida Yo’lovchi bilan oldindan til biriktirib donabay buyurtmalarni bajarish va ushbu Shartlar va Dastur maqsadini buzgan holda amalga oshirilgan asossiz haq olishga qaratilgan boshqa harakatlar.

Dastur Hamkori va/yoki Hamkor – tadbirkorlik sub’ekti bo‘lib, u Dastur Ishtirokchisi tomonidan “Uklon UB” MCHJ XK tomonidan Tashkilotchi sifatida belgilangan shartlar/talablarga rioya qilingan/bajarilgan taqdirda, Dastur Ishtirokchisiga chegirma yoki mukofot olish imkoniyatini beradi. Dasturning amaldagi Hamkorlari ro’yxati “Uklon UB” MCHJ XKning ________________________ veb-saytida joylashtiriladi.

Xizmatlar – Yo’lovchilarni yengil transport vositasi bilan tashish, kichik hajmdagi yuklarni yengil transport vositasi bilan tashish bo’yicha xizmatlar, shuningdek vaqti-vaqti bilan Yo’lovchilarga Mobil ilova orqali erishimli bo’lgan, Foydalanuvchilar tomonidan taqdim etiladigan boshqa xizmatlar. Ushbu shartlarning hech bir qoidasi Kompaniya to’g’ridan-to’g’ri Xizmatlarni taqdim etishi yoki taqdim etishi mumkinligini anglatmaydi.

Qayd yozuvi– Foydalanuvchining Onlayn xizmatdagi noyob identifikatori, u Foydalanuvchi tomonidan qabul qilingan Buyurtmalar soni va tafsilotlarini, ushbu Buyurtmalarni to’lash to’g’risidagi ma’lumotlarni va Foydalanuvchi tomonidan amalga oshirilayotgan Buyurtmalar bilan bog’liq holda Foydalanuvchining Uklon-ga bo’lgan qarzi yoki talablarini qisqacha hisobga olish uchun ishlatiladi. Qayd yozuvi texnik xususiyatga ega va hisob-kitob yoki bank hisobvarag’i maqomiga ega emas.

Dastur va/yoki Sodiqlik dasturi – “DRIVER UP” sodiqlik dasturi qoidalar to‘plami bo‘lib, ularni qabul qilib “Uklon UB” Hamkori Dastur Ishtirokchisiga aylanadi.

Promokod – belgilarning texnik to’plami, ularni faollashtirishda “Uklon Driver” mobil ilovasining Foydalanuvchisi Hamkorlarning xizmatlari/mahsulotlariga chegirma yoki boshqa mukofot olish imkoniyatiga ega.

Foydalanuvchi uchun ommaviy oferta – “Uklon Driver” xizmatiga kirishni ta’minlash uchun ommaviy oferta, u Foydalanuvchi va ma’mur sifatida “Uklon UB” MCHJ XK o’rtasida Mobil ilova va Onlayn xizmatga kirishni ta’minlash to’g’risida Shartnoma tuzish bo’yicha ommaviy taklif hisoblanadi.

1. Umumiy qoidalar.

Dastur foydalanuvchilarni jalb qilish, “Uklon” onlayn xizmati xizmatlaridan foydalanishda Foydalanuvchilarning faolligini oshirish, Uklon brendining tanilishini va Foydalanuvchilarning sodiqligini oshirishga qaratilgan Tashkilotchining marketing faolligi hisoblanadi.
1. Quyidagi shartlarga rioya qilgan holda, layoqatli jismoniy shaxs (O’zbekiston Respublikasi fuqarosi, chet el fuqarosi va fuqaroligi bo’lmagan shaxs) dastur ishtirokchisi bo’lishi mumkin:

(i) kamida 21 (yigirma bir) yoshga kirgan va kamida 1 (bir) yillik haydash tajribasiga ega;

(II) Google Play, App Store platformasida “Uklon Driver” mobil ilovasini yuklab olgan;

(III) Avtorizatsiyadan o’tish, “UKLON UB” MCHJ XK tomonidan o’rnatilgan shaxsiy ma’lumotlarni to’ldirish, shuningdek “Uklon UB” MCHJ XKning _____________________ manzilidagi saytida joylashtirilgan ommaviy oferta shartlarini qabul qilish;

Avtorizatsiyani amalga oshirishda Ishtirokchi mobil telefon raqamini ko’rsatishi kerak, chunki u turli xil masalalarni, shu jumladan Mukofot olish bilan bog’liq masalalarni hal qilishda noyob identifikator va universal aloqa kanali hisoblanadi.

Tashkilotchi o’z xohishiga ko‘ra Dasturda ishtirok etish uchun zarur bo’lgan shartlar ro’yxatini o’zgartirishi mumkin, bu haqda Ishtirokchilarga mobil ilova va/yoki veb-sayt orqali xabar beradi.

Tashkilotchi Ruxsatsiz ishtirokni aniqlagan taqdirda, shaxsiy Qayd yozuvini (akkauntni) blokirovka qilish orqali har qanday Ishtirokchini oldindan ogohlantirmasdan Dasturda ishtirok etishdan to’xtatish yoki bekor qilish huquqini o’zida saqlab qoladi. Tashkilotchi bunday harakatlar natijasida yuzaga keladigan har qanday yo’qotish yoki zararlar uchun javobgar bo‘lmaydi.
1. Ishtirokchi istalgan vaqtda Veb-sayt va/yoki Mobil ilova orqali tashkilotchiga yozma ravishda bekor qilish to’g’risida bildirishnoma yuborish orqali Dasturdagi ishtirokini tugatish huquqiga ega. Ishtirokchining dasturda ishtirok etishi Tashkilotchi ushbu yozma xabarni ko’rib chiqqan paytdan boshlab to’xtatiladi.
1. Aloqa operatorlari, Internet-provayderlar xizmatlarining sifati uchun, shu jumladan, Dastur davomida aloqa kanallaridan foydalanib ma’lumotlarni uzatishda texnik muammolar, aloqa operatorlarining ishlashi, har qanday Ishtirokchining Dasturdagi ishtirokini to’xtatib turishga va/yoki to’xtatilishiga, Ishtirokchining Mukofot olomasligiga, Ishtirokchilar huquqlarining boshqa cheklovlariga olib kelgan aloqa operatorlari va/yoki Internet-provayderlarning har qanday xatolari uchun Tashkilotchi javob bermaydi.
1. Fors-major holatlari (yengilmas kuch holatlari) yuzaga kelgan taqdirda, shu jumladan, lekin bular bilan cheklanmasdan: tabiiy ofatlar, yong’in, suv toshqini, har qanday xarakterdagi harbiy harakatlar, blokadalar, O’zbekiston Respublikasi qonunchiligidagi jiddiy o’zgarishlar, Tashkilotchi nazorat qila olmaydigan boshqa holatlar yuzaga kelgan taqdirda ushbu qoidalar shartlariga rioya etilishi uchun Tashkilotchi javobgar bo’lmaydi.
1. Dasturda ishtirok etish bepul. Dasturda ishtirok etish uchun Ishtirokchi tomonidan amalga oshiriladigan Internet/mobil aloqadan foydalanish qiymatini Ishtirokchi o’z hisobidan mustaqil ravishda to’laydi.
1. Agar Ishtirokchi ushbu qoidalarni vijdonan bajarganligi yoki ularni qasddan buzganligi to’g’risida Tashkilotchida shubha tug’ilsa, u istalgan Ishtirokchini Dasturda ishtirok etishdan chetlashtirish huquqiga ega.
1. “Uklon Driver” Mobil ilovasida Foydalanuvchi avtorizatsiya qilingan paytdan boshlab unga nisbatan amaldagi qoidalar (ularga kiritilgan barcha o’zgartirish va qo’shimchalarni hisobga olgan holda) qo’llaniladi.

2. Dastur Ishtirokchisining huquqlari:

2.1 Ushbu qoidalarda ko’rsatilgan shartlar asosida Dasturda ishtirok etish.

2.2 Dasturning imkoniyatlaridan foydalanish, Dastur Hamkorlaridan mukofot olish.

2.3 “UKLON UB”MCHJ XK-ning Foydalanuvchilar bilan ishlash bo’limiga (Driver Care) tegishli murojaat (so’rov) yuborish orqali Dasturda ishtirok etishni to’xtatish.

3. Dastur Ishtirokchisining majburiyatlari:

3.1 Qoidalar bilan tanishib chiqish.

3.2 Dasturda faqat ushbu Qoidalarda belgilangan shartlar asosida ishtirok etish.

3.3 Ushbu qoidalarda nazarda tutilgan shartlar va talablarga rioya qilish.

3.4 Veb-saytda joylashtirilgan Qoidalarning amaldagi tahriri bilan mustaqil ravishda va muntazam ravishda tanishib chiqish va Qoidalardagi o’zgartirishlar bilan tanishmaslik bilan bog’liq barcha xavflarni o’z zimmasiga olish. Ishtirokchi qoidalarga kiritilgan o’zgartirishlar bilan tanishmaganligi uchun Tashkilotchi uning oldida hech qanday javobgarlikni o’z zimmasiga olmaydi.

3.5 Google Play, App Store platformalaridan foydalangan holda mavjud mobil ilova yangilanishlarini o’z vaqtida o’rnatish.

4. Tashkilotchining huquqlari:

4.1 Dasturda ruxsatsiz ishtirok etgan, noqonuniy xatti-harakatlar sodir etgan va/yoki ushbu Qoidalarning shartlari buzilgan taqdirda Ishtirokchining Dasturda ishtirok etishiga yo’l qo’ymaslik yoki chetlashtirish.

4.2 O‘z xohishiga ko’ ra yoki O’zbekiston Respublikasi vakolatli davlat hokimiyati organlarining talabiga ko’ra Ishtirokchidan dasturning to’g’ri o’tkazilishini ta’minlash uchun zarur bo’lgan har qanday qo’shimcha ma’lumot va/yoki hujjatlarni talab qilish.

4.3 O’zining yagona qaroriga binoan Veb-sayt va/yoki Mobil ilova orqali Ishtirokchini xabardor qilib, Dasturni vaqtincha to’xtatib turish yoki butunlay to’xtatish. Dastur bekor qilingan taqdirda, Dastur Ishtirokchisi dastur bekor qilingan sanadan oldin Mukofot olish huquqiga ega.

4.4 Ishtirokchining Dasturda ishtirok etishiga nisbatan suiiste’mol qilinganligi to’g’risida har qanday asosli shubha tug’ilganda; Ishtirokchi uning shaxsiy ma’lumotlarini qayta ishlashga roziligini qaytarib olganda Dastur Ishtirokchisini mukofot olish imkoniyatidan mahrum qilish. Tashkilotchi bunday harakatlar natijasida yuzaga keladigan har qanday yo’qotish yoki zararlar uchun javobgar bo‘lmaydi.

4.5 ishtirokchi tomonidan Qoidalarning bajarilishini nazorat qilish.

5. Tashkilotchining majburiyatlari:

5.1 Dasturni ushbu Qoidalarda nazarda tutilgan shartlarga muvofiq o‘tkazish.

5.2 Tegishli tarzda Ishtirokchilarning shaxsiy ma’lumotlarini yig‘ish, to’plash, saqlash, qayta ishlash, yo’q qilish, tiklash, shaxssizlashtirish, ulardan foydalanish va uzatish.

6. Dasturda ishtirok etganlik uchun mukofot.

6.1 Dastur ishga tushirilgandan paytdan boshlab uning Ishtirokchilari mukofot olish huquqiga ega, ya’ni ushbu Dasturning 7-bo’limida nazarda tutilgan maxsus shartlar va ishtirok etish shartlarini hisobga olgan holda, Dastur Hamkorlarining tovarlari va/yoki xizmatlari uchun mavjud (joriy) narxlardan chegirmalar (diskontlar) va/yoki Dastur Hamkorlari tomonidan taqdim etilgan boshqa takliflar va/yoki imtiyozlar.

6.2 Dastur Hamkorlaridan mukofot olishning batafsil shartlari, shuningdek ularning ro’yxati ____________________ Veb-saytida ko’rsatiladi.

6.3 Dastur Hamkorlaridan mukofot olishning sharti Dastur Ishtirokchilari tomonidan ular belgilagan vazifalarni bajarishi bo’lishi mumkin (masalan, Dastur Hamkorlarining ilovalari/mobil ilovalarini o’rnatish; Dastur Ishtirokchilarining akkauntlarini (shaxsiy sahifalarini) Dastur Hamkorlarining ilovalarida/mobil ilovalarida ro’yxatdan o’tkazish; Dastur Hamkorlarining veb-saytlarida ro’yxatdan o’tish; Dastur Hamkorlari tomonidan taqdim etilgan havolalar bo‘yicha o‘tish; Dastur Hamkorlariga Xizmatlar ko’rsatiladigan transport vositasining davlat raqamini xabar qilish; Dastur Hamkorlarining ishonch telefoniga murojaat qilish va h.z.), shuningdek (agar kerak bo’lsa) Dastur Ishtirokchisining mobil telefon raqamidan foydalangan holda avtorizatsiyadan o’tish.

6.4 Mukofot Promo-kodlar yordamida olinishi mumkin, ularni faollashtirishda Dastur Ishtirokchisi uni olish imkoniga ega bo‘ladi. Promo-kodlarning amal qilish muddati va ulardan foydalanish tafsilotlari Mobil ilovada va/yoki Veb-saytda va/yoki Dastur Hamkorlarining mobil ilovalarida va/yoki Dastur Hamkorlarining veb-saytlarida ko’rsatiladi.

6.5 Dastur doirasida olinishi mumkin bo’lgan mukofotlar ro’yxati, ularning hajmi, olish usuli Dastur tashkilotchisi va/yoki Hamkorlari tomonidan belgilanadi.

6.6 Ishtirokchilar tomonidan olinadigan mukofotlar ro’yxati, shuningdek ularni olish shartlari Dastur Tashkilotchisi va/yoki Hamkorlari tomonidan belgilanishi mumkin bo’lgan mezonlarga qarab farq qilishi mumkin (masalan, Xizmatlar ko’rsatiladigan transport vositasini brendlash sifatida tushirilgan, UKLON savdo markasi va boshqalar).

6.7 Dastur Tashkilotchisi va/yoki Hamkorlari tomonidan Dastur Ishtirokchilari foydasiga Hamkorning tovar va/yoki xizmatlaridagi mavjud (joriy) narxlarning chegirmalaridan (diskontlardan) yoki Dasturda ishtirok etganlik uchun Mukofot sifatida boshqa takliflar va/yoki rag‘batlardan foydalanib realizatsiya qilinadigan (sotiladigan, yetkazib beriladigan, taqdim etiladigan) tovarlar va/yoki xizmatlar soniga limitlar (cheklovlar) belgilanishi mumkin.

6.8 Dastur ishtirokchisi o’z xohishiga ko’ra Mukofotni tanlash huquqiga ega, Dastur Hamkorlari esa ushbu Mukofot mavjudligini ta’minlashlari kerak. Dasturning har bir Hamkori o’zi realizatsiya qiladigan (sotadigan, yetkazib beradigan, taqdim etadigan) tovarlar va/yoki xizmatlarning mavjudligini ta’minlashi shart. Tashkilotchi Dastur Hamkorlari tomonidan ma’lum turdagi tovarlar va/yoki xizmatlarning mavjudligi ta’minlanmaganligi uchun javobgar emas.

6.9 Ishtirokchi Mukofotlardan boshqa Ishtirokchilar yoki boshqa shaxslar foydasiga voz kechishi, ularni sotishi, almashtirishi mumkin emas va h.z..

6.10 Mukofotni pul ekvivalentiga o’tkazib bo’lmaydi va Ishtirokchiga naqd/naqdsiz shaklda to’lanmaydi.

6.11 Agar Ishtirokchi Mukofotdan foydalanish imkoniyatidan foydalanmagan yoki undan foydalanishni rad etgan bo’lsa, Tashkilotchi javobgar bo’lmaydi.

6.12 Tashkilotchi Dastur Hamkorlari tomonidan realizatsiya qilinadigan (sotiladigan, yetkazib beriladigan, taqdim etiladigan) tovarlar va/yoki xizmatlar sifati, shuningdek Dastur Hamkorlarining harakatlari va/yoki harakatsizligi natijasida Mukofot olishning iloji bo’lmasligi uchun javobgar emas.

6.13 Agar Dastur Ishtirokchisi Mukofotdan foydalangan holda sotib olingan tovarni (O’zbekiston Respublikasi qonun hujjatlari qoidalariga muvofiq qaytarilishi lozim bo’lgan) Dastur Hamkoriga qaytarish to’g’risida qaror qabul qilgan bo’lsa, bunday qaytarish O’zbekiston Respublikasi qonun hujjatlariga va Dastur Hamkori tomonidan belgilangan ichki tartib-taomillarga muvofiq amalga oshiriladi, bunda Dastur Ishtirokchisi ushbu huquqni amalga oshirishda uning huquqi buzilishi mumkinligi uchun Tashkilotchi javob bermaydi.

6.14 Dastur Ishtirokchilari va Hamkorlari tomonidan soliqlar va yig’imlarni, shuningdek ushbu Qoidalar shartlarini bajarish bilan bog’liq boshqa majburiy to’lovlarni to’lash (agar bunday soliq va boshqa majburiy to’lovlar yuzaga kelsa) ularning o’zlariga yuklanadi. Tashkilotchi ko’rsatilgan subyektlar tomonidan har qanday majburiy to’lovlar, soliqlar, yig’imlar to’lanishi uchun javobgar emas.

7. Dasturda ishtirok etishning maxsus qoidalari va shartlari.

7.1 Dastur Tashkilotchisi va/yoki Hamkorlari tomonidan alohida nazarda tutilgan hollarda, Dastur Ishtirokchisi tomonidan Dasturning bunday Hamkorlaridan mukofot olishning zaruriy sharti joriy kalendar oyi davomida kamida 3 (uch) Xizmatni taqdim etish va shunga mos ravishda Dasturning Faol Ishtirokchisi maqomini olish hisoblanadi.

7.2 Kamida 3 (uch) Xizmatni taqdim etish deganda Dastur Ishtirokchisi tomonidan Onlayn xizmatdan (yo’lovchilarni avtomobil transportida tashish xizmatlari, kuryer orqali yetkazib berish xizmatlari) foydalanib erishimli bo’lgan har qanday turdagi kamida 3 (uch) Xizmatni taqdim etish tushuniladi. Ishtirokchi Mobil ilova yordamida mavjud bo’lgan bir xil va turli xil xizmatlarni taqdim etishi mumkin, bu Dastur shartlarini to’g’ri bajarish deb hisoblanadi.

7.3 Xizmatlar bitta Yo’lovchiga va/yoki turli Yo’lovchilarga taqdim etilgan taqdirda tegishli ravishda taqdim etilgan deb hisoblanadi.

7.4 Xizmatlarning minimal limiti bajarilgan kundan boshlab Dastur Ishtirokchisi Dasturning Faol Ishtirokchisi maqomini oladi va joriy kalendar oyi oxirigacha (Xizmatlarning minimal limiti bajarilgan sana bo’lgan), shuningdek qo’shimcha ravishda joriy kalendar oyidan keyingi kalendar oyi davomida Mukofot olish huquqiga ega bo‘ladi.

7.5 Dasturning Faol Ishtirokchisi maqomini berish uchun Xizmatlarning minimal limitini bajarish sanasi Dastur Ishtirokchisi tomonidan joriy kalendar oyi davomida kamida 3 (uchinchi) Xizmat taqdim etilgan kunning keyingi kunidan boshlab hisoblanadi, agar Tashkilotchi va/yoki Dastur Hamkorlari tomonidan boshqacha xabar berilmagan bo’lsa.

7.6 Agar joriy kalendar oyi davomida Ishtirokchi 3 (uchta) dan kam Xizmat taqdim etilgan bo’lsa yoki umuman taqdim etilmagan bo’lsa, Dastur Ishtirokchisi Dasturning Faol Ishtirokchisi maqomini yo’qotadi va shunga mos ravishda Ishtirokchi Xizmatni ko‘rsatmagan oydan keyingi kalendar oyining birinchi kunidan boshlab Mukofot olish huquqidan mahrum bo‘ladi. Dasturning Faol Ishtirokchisi maqomini va shunga mos ravishda Mukofot olish huquqini tiklash sharti Ishtirokchi Xizmatlarining minimal limitini bajarish hisoblanadi. Dasturning Faol Ishtirokchisi maqomini tiklash Xizmatlarning minimal limiti bajarilgan kundan boshlab amalga oshiriladi.

8. Dastur Ishtirokchilarining shaxsiy ma’lumotlari

8.1 Mobil ilovada ro’yxatdan o’tish va ro’yxatdan o’tish paytida shaxsiy ma’lumotlarni taqdim etish Ishtirokchining Tashkilotchiga shaxsiy ma’lumotlarini qayta ishlashga ruxsat berishi hisoblanadi.

8.2 Ishtirokchi dastur doirasida va uni amalga oshirish maqsadida uning huquqlari va shaxsiy ma’lumotlarini to’plash maqsadlari unga xabardor qilinganligini tasdiqlaydi.

8.3 Ishtirokchi shaxsiy ma’lumotlari va mobil ilovada avtorizatsiya qilinadigan ma’lumotlarning xavfsizligi va himoyasiga beparvo munosabatda bo’lgan taqdirda, uchinchi shaxslar Ishtirokchining shaxsiy profiliga, shu jumladan ishtirokchining shaxsiy ma’lumotlariga ruxsatsiz kirishlari mumkinligini tan oladi. Tashkilotchi bunday ruxsatsiz kirish natijasida yetkazilgan zarar uchun javobgar bo‘lmaydi.

8.4 Dastur Ishtirokchisi Tashkilotchiga taqdim etadigan shaxsiy ma’lumotlar ixtiyoriy ravishda to’planadi, bunday ma’lumotlarni yig‘ish, to’plash, saqlash, qayta ishlash, yo’q qilish, tiklash, shaxssizlashtirish, foydalanish, uzatish faqat ushbu Dastur Qoidalarida belgilangan maqsadlarda amalga oshiriladi.

8.5 ishtirokchi aniq va ishonchli ma’lumotlarni taqdim etish majburiyatini oladi va taqdim etilgan ma’lumotlarning aniqligi va/yoki ishonchliligi uchun va noaniq va/yoki noto’g’ri ma’lumotlarni taqdim etish natijasida yuzaga keladigan oqibatlar uchun to’liq javobgar bo’ladi. Tashkilotchi Ishtirokchi tomonidan taqdim etilgan ma’lumotlarning aniqligi va ishonchliligi uchun javobgar emas va ularni tekshirishga majbur emas.

8.6 Shaxsiy ma’lumotlarni qayta ishlashning maqsadi reklama, marketing sohasidagi munosabatlarning amalga oshirilishini ta’minlash, Ishtirokchilarni Dastur Tashkilotchisi va/yoki Hamkorlarining shaxsiy takliflari to’g’risida xabardor qilish, Mobil ilovaning mazmuni, funksionalligi va qulayligini yaxshilashdan iborat.

8.7 Dasturda ishtirok etish orqali Ishtirokchi reklama va maxsus takliflar, elektron tijorat xabarlari, Dastur Tashkilotchisi va/yoki Hamkorlarining reklama xarakteridagi tadbirlari to’g’risidagi ma’lumotlarni olish uchun shaxsiy ma’lumotlaridan foydalanishga rozilik beradi.

8.8 Ishtirokchining Shaxsiy ma’lumotlari Tashkilotchi tomonidan yuqorida ko’rsatilgan maqsad va maqsadlarga muvofiq dastur Hamkorlariga yetkazilishi mumkin.

8.9 Tashkilotchi Ishtirokchining shaxsiy ma’lumotlarini himoya qilishni ta’minlash uchun qonun hujjatlarida nazarda tutilgan barcha choralarni ko’radi.

8.10 Shaxsiy ma’lumotlar Tashkilotchi tomonidan yuqoridagi maqsadlarga erishish va bunday ma’lumotlarni qayta ishlash maqsadlariga erishish uchun zarur bo’lgan muddat davomida saqlanadi. Shaxsiy ma’lumotlar O’zbekiston Respublikasining amaldagi qonunchiligida nazarda tutilgan hollarda yoki Ishtirokchining rasmiy murojaatiga muvofiq bunday rasmiy murojaat olingan kundan boshlab 30 (o’ttiz) kalendar kun ichida yo’q qilinishi mumkin. Ishtirokchining shaxsiy ma’lumotlarini yo’q qilish avtomatik ravishda Ishtirokchining Dasturda ishtirok etishini to’xtatishga olib keladi.

8.11 Dastur to’xtatilgandan keyin yoki unda Ishtirokchilardan biri ishtirok etishni to’xtatgandan so’ng, Tashkilotchi O’zbekiston Respublikasining amaldagi qonunchiligi normalarini bajarish maqsadida ularning shaxsiy ma’lumotlarini qayta ishlashni davom ettiradi.

8.12 Ushbu Qoidalar bilan tartibga solinmagan Dastur Ishtirokchilarining shaxsiy ma’lumotlarini yig‘ish, to’plash, saqlash, qayta ishlash, yo’q qilish, tiklash, shaxssizlashtirish, foydalanish, uzatish bilan bog’liq masalalar Veb-saytda joylashtirilgan shaxsiy ma’lumotlarni qayta ishlash va himoya qilish to’g’risidagi Nizom bilan tartibga solinadi.

9. Tomonlarning javobgarligi va javobgarlikni cheklash.

9.1. Aloqa operatorlari, Internet-provayderlar xizmatlarining sifati uchun, shu jumladan, Dastur davomida aloqa kanallaridan foydalanib ma’lumotlarni uzatishda texnik muammolar, aloqa operatorlarining ishlashi, har qanday Ishtirokchining Dasturdagi ishtirokini to’xtatib turishga va/yoki to’xtatilishiga, Ishtirokchining Mukofot olomasligiga, Ishtirokchilar huquqlarining boshqa cheklovlariga olib kelgan aloqa operatorlari va/yoki Internet-provayderlarning har qanday xatolari uchun Tashkilotchi javob bermaydi.

9.2. Agar Ishtirokchi o’z Mukofotidan foydalanmagan bo’lsa, shu jumladan Hamkor uchun Oferta qoidalariga muvofiq Tashkilotchi bilan hamkorlikni to’xtatganligi sababli, Tashkilotchi javobgar bo’lmaydi.

9.3. Fors-major holatlari (yengilmas kuch holatlari) yuzaga kelgan taqdirda, shu jumladan, lekin bular bilan cheklanmasdan: tabiiy ofatlar, yong’in, suv toshqini, har qanday xarakterdagi harbiy harakatlar, blokadalar, O’zbekiston Respublikasi qonunchiligidagi jiddiy o’zgarishlar, Tashkilotchi nazorat qila olmaydigan boshqa holatlar yuzaga kelgan taqdirda ushbu qoidalar shartlariga rioya etilishi uchun Tashkilotchi javobgar bo’lmaydi.

9.4. Agar ishtirokchi Mobil ilovaning dolzarb bo‘lmagan (yangilanmagan) versiyasidan foydalansa, Tashkilotchi javobgar bo’lmaydi va dasturning ishlashiga kafolat bermaydi.

9.5. Tashkilotchi faqat Tashkilotchining xatti-harakatlari yoki harakatsizligi natijasida Ishtirokchilarga yetkazilgan to’g’ridan-to’g’ri zarar uchun javob beradi, mumkin bo’lgan bilvosita yoki tasodifiy yo’qotishlarni istisno qiladi, masalan, yo’qotilgan foyda yoki daromad yo’qotilishi, lekin ular bilan cheklanmaydi.

10. YAKUNIY QOIDALAR

10.1 Qoidalar O’zbekiston Respublikasi qonun hujjatlariga muvofiq tartibga solinadi va talqin etiladi. Ushbu Qoidalar bilan tartibga solinmagan masalalar O’zbekiston Respublikasining amaldagi qonunchiligiga muvofiq hal qilinishi lozim.

10.2 Ushbu Qoidalar O’zbekiston Respublikasi fuqarolik kodeksi 369–moddasining talqinida ommaviy oferta hisoblanadi – Foydalanuvchilarga yuborilgan qo’shilish shartnomasini tuzish to’g’risidagi ommaviy taklif. Ishtirokchi tomonidan mazkur Qoidalarning 1.2-bandida nazarda tutilgan harakatlarni amalga oshirish O’zbekiston Respublikasi fuqarolik kodeksining 370-moddasiga muvofiq Foydalanuvchi tomonidan Ommaviy oferta shartlari qabul qilinganligining (akseptlanganligining) to’liq va shartsiz tasdig’i hisoblanadi. Qoidalar Ishtirokchi tomonidan Dasturning amal qilish muddati davomida istalgan vaqtda qabul qilinishi mumkin.

10.3 Tashkilotchi dastur doirasida qo’shimcha tadbirlar, qo’shimcha dasturlar, maxsus dasturlarni ishlab chiqishi va amalga oshirishi mumkin, ularning shartlari Tashkilotchi tomonidan alohida xabar qilinadi.

10.4 Ishtirokchi qoidalar shartlari bilan to’liq va butunlay tanishligini va roziligini tasdiqlaydi. Mobil ilovada va/yoki Veb-saytda joylashtirilgan ushbu qoidalar, yo‘riqnomalar yoki ko’rsatmalar shartlarini noto’g’ri tushunish yoki tushunmaslik natijasida Ishtirokchiga yoki uchinchi shaxslarga yetkazilgan zarar yoki ziyon uchun Tashkilotchi javobgar bo’lmaydi.

10.5 Tashkilotchi o’z xohishiga ko’ra bir tomonlama tartibda amaldagi Qoidalarga istalgan vaqtda o’zgartirish kiritish huquqiga ega. Ko‘rsatilgan o’zgarishlar Veb-saytda e’lon qilingan paytdan boshlab kuchga kiradi.

10.6 Ishtirokchi Dasturda ro’yxatdan o’tish paytida ushbu Qoidalar shartlariga rioya qilishga rozilik beradi. Agar Ishtirokchi ushbu Qoidalarning har qanday shartlariga rozi bo’lmasa, Ishtirokchi dasturdan foydalana olmaydi.

10.7 Dastur O’zbekiston Respublikasining Toshkent shahri hududida o’tkaziladi.

10.8 Tashkilotchi Ishtirokchilarga moliyaviy yoki to’lov xizmatlarini taqdim etmaydi, shuningdek har qanday to’lov vositalarining emitenti sifatida ishlamaydi va ushbu Shartlarning hech qanday qoidalarini boshqacha talqin qilish mumkin emas.

10.9 Qoidalar, barcha o’zgartirish va qo’shimchalarni hisobga olgan holda, Veb-saytda rus tilida umumiy ma’lumot uchun joylashtiriladi.

10.10 Dastur 01.07.2024 yildan 31.12.2024 yilgacha (shu jumladan) o’tkaziladi. Dasturni o‘tkazish muddati Tashkilotchi tomonidan o’zgartirilishi mumkin.