UKLON XIZMATIDAN FOYDALANISH BO’YICHA OMMAVIY OFERTA

“Uklon UB” XK MChJ (keyingi o‘rinlarda “Uklon” deb yuritiladi) quyidagi harakatlarni amalga oshirish orqali ushbu ofertani qabul qilgan (akseptlangan) yo’lovchilarni transport vositalari bilan tashish bilan shug’ullanadigan o’zini o’zi band qilgan shaxslarga (keyingi o’rinlarda «Foydalanuvchi» deyiladi) xizmatga kirishni ta’minlash orqali dasturiy ta’minotni amalga oshiradi  (quyida belgilanganidek). Uklon va Foydalanuvchi bundan keyin birgalikda “Tomonlar” va yakka tartibda “Tomon” deb yuritiladi.

 

1. SHARTNOMANI TUZISH VA FOYDALANUVCHIGA BERILADIGAN KAFOLATLA

1.1. Foydalanuvchi ushbu Xizmatga kirish O’zbekiston Respublikasi fuqarolik kodeksining 369-moddasiga muvofiq ommaviy oferta maqomiga ega bo’lgan ushbu hujjatda ko’rsatilgan shartlar, tartib va hajmda taqdim etilishini tushunadi.

1.2. Foydalanuvchi Ommaviy Oferta matni bilan tanishib chiqqanligini tasdiqlaydi, uning mazmunini to’g’ri tushunib o’z roziligini beradi.

1.3. Foydalanuvchi tomonidan mobil ilovani yuklab olish va o’rnatish, unga ma’lumotlarni kiritish va ro’yxatdan o’tkazish O’zbekiston Respublikasi Fuqarolik Kodeksining 370-moddasiga muvofiq Foydalanuvchi tomonidan Ommaviy Oferta shartlarini qabul qilganligining (akseptlanganligining) to’liq va shartsiz tasdig’idir.

1.4. Foydalanuvchi tomonidan qabul qilingandan so’ng, Ommaviy oferta tomonlar uchun majburiy bo’lib, O‘zbekiston Respublikasi Fuqarolik Kodeksining 364-moddasiga muvofiq tomonlarning kelishuvi (shartnomasi), uning shartlariga muvofiq bajarilishi shart.

1.5. Foydalanuvchi, Shartnoma shartlarini qabul qilib, ushbu Shartnomaning 4.1.3 va 4.1.4-bandlarida ko’rsatilgan tegishli Buyurtmalarni bajarishda qo’llaniladigan Qonunchilik talablariga javob berishini ta’minlaydi.

1.6. Shartnoma Uklon va Foydalanuvchi o’rtasida ushbu Shartnomada aniq belgilangan munosabatlardan tashqari boshqa huquqiy munosabatlarni (shu jumladan mehnat munosabatlarini) o’rnatmaydi.

2. ATAMALAR VA TA’RIFLAR

2.1. “Bonus” – “UKLON DRIVER” sodoqatlik dasturiga muvofiq, mavjud bonus dasturlari shartlarini bajarganlik va shaxsiy bonuslar hisobiga Uklon tomonidan Foydalanuvchi hisobidagi balansga hisoblangan bonus mukofoti.

2.2. “Uklon mukofoti” – Uklon xizmatiga kirish imkoniyatini taqdim etish uchun Uklon foydasiga to’lanadigan Foydalanuvchi to’lovi, shu jumladan Uklonning ushbu Shartnoma bo’yicha topshiriqni bajarish uchun agentlik (komissiya) mukofoti.

2.3. “Didox-S” – bu ushbu Shartnoma doirasida Tomonlar tomonidan foydalaniladigan, yuridik va jismoniy shaxslar o’rtasida huquqiy ahamiyatga ega elektron hujjat aylanishini tashkil etish, ma’lumotlarni yig’ish, saqlash, qayta ishlash va uzatish uchun mo’ljallangan, https://ds.didox.uz havolasida joylashtirilgan elektron hujjat aylanishi platformasi

2.4. “Buyurtma” – yo‘lovchilarni yengil transport vositasida tashish, kichik hajmdagi yuklarni yengil transport vositasi bilan yetkazib berish bo‘yicha xizmatlarni, shuningdek, zarur tafsilotlar bo’yicha tuzilgan mobil ilova orqali vaqti-vaqti bilan mavjud bo‘lishi mumkin bo‘lgan boshqa xizmatlarni olish to‘g‘risidagi Buyurtmachining talabi.

2.5. “Buyurtmachi” – Xizmatdan foydalangan holda Buyurtma bergan har qanday muomalaga layoqatli shaxs.

2.6. “Mobil ilova” – Uklon Driver deb nomlangan Uklon tomonidan Foydalanuvchiga Shartnoma muddati davomida Xizmatdan foydalanish uchun vosita sifatida taqdim etiladigan iOS, Android elektron qurilmalari uchun Mobil Ilova ko’rinishidagi kompyuter dasturining nusxasi.

2.7. “To’lov kartasi” – bu To’lov tizimining protsessing tizimi tomonidan qo’llab-quvvatlanadigan, tovarlar (xizmatlar, ishlar) haqqini to’lash, mablag’larni bir hisobdan boshqasiga o’tkazish, shuningdek naqd pul mablag’larini kiritish va olish uchun ishlatiladigan to’lov vositasidir.

2.8. “To’lov tizimi” – «INSPIRED» MCHJ XK, «PAYME» to’lov tizimi operatori, (O’zbekiston Respublikasi Markaziy bankining 2020 yil 04 apreldagi 3-sonli litsenziyasi) yoki Uklon bilan hamkorlik qiladigan va Foydalanuvchi tomonidan yakka o’zi yoki boshqa operatorlar bilan hamkorlikda to’lov tizimi (bank) sifatida qabul qilinadigan boshqa to’lov tashkilotlari va banklari, xizmat doirasidagi Buyurtmalar uchun Buyurtmachilarning naqd pulsiz to’lovlarini tashkil etish, shuningdek tomonlar o’rtasidagi o’zaro hisob-kitoblarni, xususan, Foydalanuvchi tomonidan Uklon foydasiga to’lanadigan pul magblag’larini ushlab qolish uchun vakolatli shaxs.

2.9. “UKLON DRIVER” sadoqatlik dasturi – Uklon kompaniyasining foydalanuvchilarni jalb qilish, foydalanuvchi faolligi va xizmatlardan foydalanishini oshirish, Uklon brendi foydalanuvchilarining tan olinishi va sodoqatligini oshirishga qaratilgan marketing faoliyatidir. UKLON DRIVER sadoqatlik dasturida ishtirok etish shartlari https://uz.uklon.eu/ru/user-agreement-ru/uklon-driver manzilida joylashtirilgan va Sadoqatlik dasturini o‘tkazish tartibi va shartlarini hamda uni amalga oshirish va mukofot olish doirasida tomonlarning o’zaro hamkorligi belgilaydi.

2.10. “UKLON RIDER” sadoqatlik dasturi – bu “UKLON” Onlayn xizmati xizmatlaridan foydalanishda Buyurtmachilarning faolligini oshirish, Buyurtmachilarning Uklon brendini tan olishi va sadoqatligini oshirishga qaratilgan Uklon kompaniyasining marketing faoliyati. UKLON RIDER sadoqatlik dasturida ishtirok etish shartlari quyidagi havolada joylashtirilgan: https://uz.uklon.eu/ru/user-agreement-ru/uklon-rider/ va Sadoqatlik dasturini o‘tkazish tartibi va shartlarini hamda uni amalga oshirish va mukofot olish doirasida tomonlarning o’zaro hamkorligi belgilaydi.

2.11. “Promokod” – Promokod faollashtirilgan va UKLON RIDER sadoqatlik dasturiga muvofiq foydalanishning boshqa shartlariga rioya qilish sharti bilan Buyurtmachiga Buyurtma narxida chegirmani ta’minlaydigan o‘ziga xos belgilar ketma-ketligi.

2.12. “O’zini–o’zi band qilgan shaxs” – mehnatdan daromad olish maqsadida jismoniy va yuridik shaxslarga xizmat ko‘rsatish va ish bajarishda shaxsiy ishtirok asosida mustaqil faoliyat yuritadi, O‘zbekiston Respublikasida belgilangan tartibga muvofiq davlat soliq organlarida ro‘yxatdan o‘tgan va yakka tartibdagi tadbirkor maqomiga ega bo‘lmagan jismoniy shaxs.

2.13. “Xizmat” — mobil dastur va raqamlar, harflar, belgilar, rasmlar va ularning kombinatsiyalari (shu jumladan grafik ma’lumotlar, video ma’lumotlar va boshqalar) ko’rinishidagi kompyuter dasturlari va elektron ma’lumotlarning o’zaro bog’liq to’plamidan iborat texnologik platforma), Buyurtmachi tomonidan joylashtirilgan Buyurtmalar to’g’risidagi ma’lumotlarni avtomatlashtirilgan nazorat qilish, to’plash, qayta ishlash, tarqatish, saqlash va taqdim etish, talab va taklif nisbati, ob-havo sharoiti, marshrut, ish yuki va boshqa omillarni hisobga olgan holda buyurtma narxini avtomatik hisoblash uchun mo’ljallangan, marshrutlarni avtomatik ravishda quradigan va foydalanuvchi va Buyurtmachi o’rtasidagi aloqa uchun ma’lumot almashishni ta’minlaydigan, Buyurtmachiga o’z xohishiga ko’ra tegishli buyurtmalarni joylashtirish va o’zgartirish, foydalanuvchi tasdiqlash yoki rad etish, joylashuvi to’g’risidagi ma’lumotlarni nashr etish, Buyurtmachilarga baho berish, dastur tomonidan qurilgan marshrutlardan Real vaqt rejimida xizmatning mavjud funksiyalari doirasida foydalanish imkonini beradi.

2.14. “Shartnoma” – Uklon Xizmatiga kirishni taqdim etish uchun amaldagi Ommaviy Oferta bo‘lib, matnda «Ommaviy Oferta» yoki «Oferta» sifatida ham tilga olinadi.

2.15. “Hisob qaydnomasi” – bu Foydalanuvchi tomonidan qabul qilingan Buyurtmalar soni va tafsilotlarini, ushbu Buyurtmalarni to’lash to’g’risidagi ma’lumotlarni va Foydalanuvchi tomonidan amalga oshirilgan buyurtmalar bilan bog’liq holda Foydalanuvchining Uklonga bo’lgan qarzi yoki talablarini qisqacha hisobga olish uchun ishlatiladigan yagona Foydalanuvchi identifikatori. Hisob qaydnomasi texnik xususiyatga ega va hisob-kitob yoki bank hisobvarag’i maqomiga ega emas.

3. SHARTNOMA MAVZUSI

3.1. Mazkur Shartnomaning mavzusi Uklon tomonidan dasturiy ta’minotni amalga oshirish xizmatlarini ko‘rsatish bo‘lib, bu xizmatlar Internet tarmog‘i orqali Foydalanuvchiga Servisga kirish huquqini taqdim etishni o‘z ichiga oladi va shu xizmatlar uchun Foydalanuvchi, o‘z navbatida, Uklon mukofot to‘lovni amalga oshirish majburiyatini oladi.

3.2. Foydalanuvchi Uklon Buyurtmalarni bajarish jarayonida hech qanday transport xizmatlarini ko‘rsatmasligini va hech qanday holatda Uklon Buyurtmachilar oldida foydalanuvchi buyurtmalarini bajarmaganligi yoki lozim darajada bajarmaganligi, shuningdek, Buyurtmachilarning hayoti va sog‘lig‘iga zarar yetkazishi yoki Buyurtmachining mulkiga zarar yetkazishi uchun javobgar bo‘lmasligini tasdiqlaydi.

3.3. Foydalanuvchi uchinchi shaxslarning aybi aniqlanmasa, Foydalanuvchi Buyurtmalarni bajarmaganligi yoki lozim darajada bajarmaganligi, shuningdek, Buyurtmachilarning hayoti va sog‘lig‘iga yetkazilishi mumkin bo‘lgan zarar yoki Foydalanuvchi Buyurtmalarini bajarish jarayonida Buyurtmachilarning mulkiga yetkazilishi mumkin bo‘lgan zarar uchun Buyurtmachilar oldida yakka o‘zi (mustaqil ravishda) javobgar bo‘lishini tasdiqlaydi.

3.4. Xizmatga kirish shartlari. Xizmatga kirish uchun  Foydalanuvchi tomonidan Mobil ilovada ro‘yxatdan o‘tilishi kerak, natijada Xizmatga kirish uchun Hisob qaydnomasi yaratiladi. Shu bilan birga, Mobil ilovada ro‘yxatdan o‘tgandan keyin Xizmatning funksiyalaridan keyingi foydalanishning majburiy shartlari quyidagilardir: (i) Foydalanuvchining Didox-S platformasida ro‘yxatdan o‘tishi, shuningdek (ii) Foydalanuvchida O‘zini-o‘zi band qilgan shaxsning maqomi faol holatida bo‘lishi va O‘zbekiston Respublikasida belgilangan tartib va qonun hujjatlariga muvofiq olingan, yo‘lovchilarni liniyali taksi orqali tashishni amalga oshirish uchun amal qiluvchi litsenziya karta mavjudligi.

3.4.1. Didox-S platformasidan foydalanish. Foydalanuvchi tomonidan taqdim etiladigan yo‘lovchilarni yengil transport vositalari orqali tashish va yuklarni yetkazib berish Xizmatlarini fiskallashtirish maqsadida, shuningdek tegishli birlamchi buxgalteriya hujjatlarini shakllantirish uchun, Foydalanuvchi quyida ko‘rsatilgandek Didox-S platformasida ro‘yxatdan o‘tish majburiyatini oladi va bu Xizmat funksiyalaridan keyingi foydalanish uchun zarur shart ekanligini tan oladi.

Didox-s platformasida foydalanuvchini ro’yxatdan o’tkazish tartibi, shuningdek platforma bilan yanada o’zaro aloqada bo’lish qoidalari va shartlari Didox-s huquqiy hujjatlari bilan tartibga solinadi, ular ro’yxatdan o’tish jarayonida to’g’ridan-to’g’ri Didox-s platformasi tomonidan foydalanuvchiga yetkaziladi.

3.4.2. Didox-s platformasida Foydalanuvchini ro’yxatdan o’tkazish. Foydalanuvchi xizmatda ro’yxatdan o’tishni tugatgandan so’ng, Foydalanuvchi ma’lumotlari, shu jumladan telefon raqami, familiyasi, ismi, otasining ismi va STIR Didox-s platformasiga uzatiladi.  Belgilangan ma’lumotlarni qayta ishlash natijalariga ko’ra, Foydalanuvchi Didox-S platformasida “ijrochi” sifatida ro’yxatdan o’tish uchun taklif havolasi bilan SMS-xabar oladi.

Agar xizmatda ro’yxatdan o’tish paytida foydalanuvchi o’zini – o’zi band qilgan shaxs maqomiga ega bo’lmasa – Didox-s platformasida ro’yxatdan o’tgandan va so’ralgan ma’lumotlarni kiritgandan so’ng, Foydalanuvchi o’zini-o’zi band qilgan shaxs maqomini oladi va Uklon Foydalanuvchining agenti (komissioneri) sifatida aniqlanadi.

Agar, Xizmatda ro’yxatdan o’tish vaqtida Foydalanuvchi o’z-o’zini band qilgan shaxs maqomiga ega bo’lsa, Didox-S platformasida ro’yxatdan o’tgandan va so’ralgan ma’lumotlarni kiritgandan so’ng, Foydalanuvchi o’z-o’zini band qilgan shaxsligini tasdiqlaydi, so’ngra Uklon Foydalanuvchining agenti (komissioneri) sifatida belgilanadi.

Ushbu tartib-taomillardan o’tmasdan xizmatdan foydalanish yoki foydalanuvchi tomonidan xizmatdan keyingi foydalanish bilan komissioner sifatida Uklon maqomini olib tashlash (bekor qilish) shartnomani buzishdir. Bunday holda, Uklon Foydalanuvchi buyurtmalarining bajarilishini to’xtatib turish, Shartnomani buzganlik uchun jarima sifatida buyurtmalar doirasidagi barcha summalarni hisobga olish va Shartnomaning amal qilishini to’xtatib turish yoki uni bir tomonlama bekor qilish huquqiga ega.

3.4.3. Xizmatdan foydalanish Foydalanuvchiga faqat xizmatning funksional imkoniyatlaridan foydalangan holda Buyurtmachi va Uklon bilan o’zaro aloqa o’rnatish uchun, buyurtmalarni qayta ishlash va amalga oshirish uchun taqdim etiladi. Ushbu maqsadlar uchun Foydalanuvchiga ushbu Xizmatdan va unga kiritilgan intellektual mulk obyektlaridan foydalanish, xususan ularni to’liq yoki qisman o’zlariga tegishli elektron qurilmalarida ishlatish uchun mutlaq bo’lmagan huquq beriladi.

3.4.4. Xizmatdan foydalanish uchun Foydalanuvchi bir nechta Hisob qaydnomasiga ega bo’lishi mumkin emas.

3.4.5. Hisob qaydnomasini ro’yxatdan o’tkazishda Foydalanuvchi tegishli shaklni to’ldirib, ishonchli va to’liq ma’lumotlarni taqdim etishi shart. Agar Foydalanuvchi Hisob qaydnomasini ro’yxatdan o’tkazishda yoki undan keyin Xizmatdan foydalanishda noto’g’ri yoki to’liq bo’lmagan ma’lumotlarni taqdim etsa, Uklon o’z xohishiga ko’ra Foydalanuvchining Hisob qaydnomasiga kirishini to’xtatib turish yoki uni oldindan ogohlantirmasdan o’chirish huquqiga ega.

3.4.6. Agar Foydalanuvchining xatti-harakatlari (yoki harakatsizligi) amaldagi qonunchilikni yoki Uklon yoki Buyurtmachilarning har qanday huquq va manfaatlarini buzishi yoki Uklonni xavf ostiga qo’yishi mumkin bo’lsa, shu jumladan Foydalanuvchining harakatlari (yoki harakatsizligi) tufayli Foydalanuvchiga yoki Uklonga e’tiroz bildirishga olib kelsa, Uklon o’z xohishiga ko’ra Foydalanuvchining Hisob qaydnomasiga kirishini to’xtatib turish yoki uni oldindan ogohlantirmasdan o’chirish huquqiga ega.

3.4.7. Uklon Foydalanuvchidan quyidagi ma’lumotlarni so’rash va har qanday usul bilan tekshirish/kuzatish huquqiga ega:

● Foydalanuvchi o’zini-o’zi band qilgan shaxsning faol maqomiga ega bo’lishi haqida;

● Foydalanuvchi yo‘lovchilarni liniyali taksi orqali tashishni amalga oshirish uchun amal qiluvchi litsenziya karta mavjudligi haqida.

Agar Uklon Foydalanuvchining o’zini-o’zi band qiladigan shaxs maqomini bekor qilish, to’xtatib turish yoki voz kechish yoki yo’lovchilarni liniyali taksi orqali tashishni amalga oshirish uchun litsenziya kartasini bekor qilish yoki amal qilish muddati tugashi to’g’risida ma’lumotga ega bo’lsa, Uklon o’z xohishiga ko’ra Foydalanuvchining hisob qaydnomasiga kirishini to’xtatib qo’yish yoki uni oldindan ogohlantirmasdan o’chirish huquqiga ega.

3.4.8. Xizmatda ro’yxatdan o’tishda Foydalanuvchi Hisob qaydnomasiga kirish uchun yagona parolni kiritishi kerak. Foydalanuvchi kiritilgan parolning ishonchliligi va o’z Hisob qaydnomasшni himoya qilish uchun to’liq javobgardir.

3.4.9. Foydalanuvchi o’z parolining xavfsizligini, shuningdek ro’yxatdan o’tish kodlari va boshqa maxfiy ma’lumotlarni mustaqil ravishda ta’minlaydi. Foydalanuvchi hech qanday holatda ushbu ma’lumotni uchinchi shaxslarga yetkazmasligi kerak. Uklon Foydalanuvchining o’z parolini, ro’yxatga olish kodlari va boshqa maxfiy ma’lumotlarning yo’qolishi bilan bog’liq oqibatlar uchun javobgar emas.

3.4.10.  Foydalanuvchi Hisob qaydnomasiga ruxsatsiz kirish va har qanday uchinchi tomon tomonidan xizmatdan foydalanish bilan bog’liq barcha xavflarni o’z zimmasiga oladi (shu jumladan foydalanuvchi o’z parolini, ro’yxatdan o’tish kodlarini va boshqa maxfiy ma’lumotlarni uchinchi shaxslarga ixtiyoriy ravishda topshirganda).

3.4.11.  Agar Foydalanuvchi uchinchi tomon uning Hisob qaydnomasiga kirgan deb ishonish uchun asosga ega bo’lsa, Foydalanuvchi o’zining Hisob qaydnomasini yuritish huquqini tasdiqlashi sharti bilan tegishli choralarni ko’rish uchun darhol Uklonni xabardor qilishi kerak.

3.5. Buyurtmalarni qabul qilish tartibi.

Buyurtmani qabul qilish uchun Foydalanuvchida Uklon mukofotini to’lash bo’yicha qarzi yo’qligini ko’rsatadigan ijobiy hisob balansi bo’lishi kerak. Agar hisobning salbiy qoldig’i 3000 so’mdan oshsa, Foydalanuvchining xizmatga kirishi hisobning ijobiy qoldig’i tiklanmaguncha to’xtatiladi. Foydalanuvchi o’z xohishiga ko’ra buyurtmani bajarish uchun qabul qilish yoki qabul qilmaslik to’g’risida qaror qabul qiladi. Buyurtmani qabul qilishda Foydalanuvchi shartnomaning 5-moddasida belgilangan tartibda Uklon mukofotini to’lash majburiyatini oladi.

3.6. To’lov tizimidan foydalanish. Ushbu Shartnoma doirasida xizmat ko’rsatishda, Foydalanuvchi (komitent) Uklonni Foydalanuvchining tijorat agenti (komissioneri) sifatida harakat qilishga vakolat beradi va quyidagi topshiriqlarni bajarishni ta’minlaydi:

і. Xizmatning texnik funksionalidan foydalangan holda, talab va taklif, ob-havo sharoiti, marshrut, yuklanish va boshqa omillarga asoslanib, Buyurtmaning tavsiya etilgan narxini aniqlash va uni Buyurtmachilarga taklif qilish imkoniyati bilan, shuningdek, Buyurtmachi tomonidan tasdiqlangan Buyurtma narxi haqida Foydalanuvchini xabardor qilish;

іі. To’lov tizimini jalb qilgan holda, Buyurtmachilar tomonidan bank kartalari orqali to’langan bajarilgan Buyurtmalar uchun mablag’larni qabul qilish va ushbu Shartnoma bo’yicha belgilangan to’lov tartibiga muvofiq Foydalanuvchiga tegishli mablag’larni yo’naltirish. Bank kartalari orqali amalga oshirilgan har qanday to’lov majburiyati, to’lov amalga oshirilgan paytdan boshlab bajarilgan deb hisoblanadi.

Ushbu bandning maqsadlari uchun Foydalanuvchi Uklonga topshiriqlarni bajarish uchun zarur bo’lgan darajada To’lov tizimini jalb qilish, xabarlar almashish va kelishuvlarga erishish uchun Foydalanuvchi nomidan harakat qilish huquqini beradi. To’lov tizimi bilan bunday xabarlar va kelishuvlar Uklonning xohishiga ko’ra amalga oshiriladi, bunda Foydalanuvchi bunday kelishuvlarning hajmi va tafsilotlari to’g’risida asosli ma’lumot so’rash huquqiga ega. Foydalanuvchi hech qanday holatda Uklon va To’lov tizimi Foydalanuvchi va Buyurtmachilar o’rtasidagi Buyurtmalarni bajarish bilan bog’liq har qanday munosabatlar (shu jumladan, lekin ular bilan cheklanmagan holda) uchun javobgar emasligini tan oladi va qabul qiladi.

Hech qanday shubhaga yo’l qo’ymaslik uchun Uklon Shartnomaga muvofiq Foydalanuvchi tomonidan bajarilishi kerak bo’lgan boshqa harakatlar yoki Foydalanuvchining boshqa huquq va majburiyatlari bilan bog’liq holda tijorat agenti (komissiya agenti) sifatida ishlamaydi..

3.6.1. Foydalanuvchi rozilik bildiradiki, To’lov tizimi Buyurtmalarni bajarish uchun Foydalanuvchi tomonidan qo’lga kiritilgan to’lovni olishga rozilik bildiradi. Uklon mukofoti va to’lov tizimi mukofoti chegirib tashlanganidan so’ng, shartnomaning 5-moddasiga muvofiq, qolgan summa To’lov tizimi tomonidan Foydalanuvchining tegishli hisob raqamlariga o’tkazilishi kerak.ъ

3.7. Bonuslar. Foydalanuvchi o’z ixtiyoriga ko’ra, UKLON DRIVER sadoqatlik dasturiga muvofiq joriy bonus dasturlari shartlarini bajarish to’g’risida qaror qabul qiladi. Tegishli shartlar to’g’ri bajarilgan taqdirda, Uklon UKLON DRIVER sadoqatlik dasturi va ushbu Shartnomada belgilangan tartibda Foydalanuvchiga Bonusni to’lash majburiyatini oladi.

4. TOMONLARNING HUQUQLARI VA MAJBURIYATLARI

4.1. Foydalanuvchining majburiyatlari quyidagilar:

4.1.1. Shartnoma doirasida o’z majburiyatlariga rioya qilish, ro’yxatdan o’tish jarayonida havola orqali internet tarmog’ida joylashtirilgan «Hamkorlik shartlari va/yoki qoidalari» bilan tanishib chiqish https://uz.uklon.eu/driver-update/ va ularning qoidalariga rioya qilish;

4.1.2. Qabul qilgan barcha Buyurtmalarni bajarish;

4.1.3. Buyurtmalarni bajarish uchun foydalaniladigan transport vositasini yaxshi texnik va toza holatda saqlash (jumladan, muntazam texnik xizmat ko’rsatish, avtomobilning barcha tizimlari va tarkibiy qismlarining ishlashini tekshirish, shuningdek uning tashqi ko’rinishi va avtomobil ichki qismini tegishli holatda saqlash), yo’l harakati qoidalari va tegishli transport vositalariga nisbatan qo’llaniladigan boshqa qonunchilik talablari (xususan, transport vositalarining rangi va maxsus seriyali davlat raqamiga, davriy texnik ko’rikdan o’tishga, shuningdek ” TAXI” identifikatsiya belgisi, ma’lumot lavhasi, to‘lovlarni amalga oshirish va masofani elektron tarzda qayd etish uchun maxsus ilovalar o‘rnatilgan elektron qurilmalar va shuningdek, boshqa talablarga rioya qilish);

4.1.4. Buyurtmalarni bajarish uchun qonunda va ushbu Shartnomada ko’rsatilgan barcha zarur ruxsatnomalarga ega bo’lish, birinchi so’rov bo’yicha ularning nusxalarini Uklonga taqdim etish, shuningdek, ularga kiritilgan har qanday o’zgartirishlar to’g’risida darhol yozma ravishda Uklonga xabar berish, xususan:

● Transport vositasini ro‘yxatdan o‘tkazish to‘g‘risidagi guvohnoma;

● Toshkent shahri yoki Toshkent viloyatida ro‘yxatdan o‘tgan avtotransport vositasiga berilgan liniyali taksilarda yo‘lovchilarni tashish uchun litsenziya kartasi;

● O’zini o’zi band qilgan shaxs sifatida ro’yhatdan o’tganligi to’g’risida ma’lumotnoma;

● Tegishli toifadagi haydovchilik guvohnomasi;

● Uchinchi shaxslar transport vositasidan foydalanish huquqini tasdiqlovchi hujjat (agar mavjud bo’lsa);

● OSAGO sug’urta polisi;

● Muntazam tibbiy ko’rikdan o’tganligini tasdiqlovchi hujjat va boshqalar;

4.1.5. Xizmatdan foydalanish huquqi va ikmoniyatini uchinchi shaxslarga bermaslik;

4.1.6. Uklon mukofotini o’z vaqtida va to’liq to’lash;

4.1.7. Uklonga Shartnoma shartlarini bajarish bilan bog’liq zarur ma’lumotlarni taqdim etish;

4.1.8. Qabul qilingan Buyurtmani bajarishdan bosh tortgan taqdirda, bu haqda Uklonga xabar berish;

4.1.9. Chekmaslik, ovqat iste`mol qilmaslik yoki boshqa axloqiy xulq-atvor qoidalarini buzmaslik va Buyurtmani bajarishda mahalliy urf-odatlar hurmat qilish;

4.1.10. Buyurtmani bajarishda jamiyat normalari, shuningdek, O‘zbekiston Respublikasining mahalliy urf-odatlari va an’analarida belgilangan xulq-atvor odob-axloq qoidalariga rioya qilish, xususan:

• Buyurtmachining roziligisiz audio va video materiallarni ko‘ymaslikni, diniy mazmundagi audio va video materiallarni Buyurtmachining tegishli ruxsatisiz ko‘ymaslikni;

• avtotransport vositasini qo‘shimcha atributlar, jumladan, uchinchi shaxslarning diniy e’tiqodlariga zid bo‘lishi mumkin bo‘lgan diniy xarakterdagi atributlar bilan zaruratsiz jihozlaslig;

• zarurat bo’lmasa, Buyurtmani bajarish jarayonida Buyurtmachi bilan suhbatni boshlamaslig, nizolarga kirmaslig, Mijozlarga qatiq yoki qo’pol muomala qilmaslig, odobsiz so’zlarni ishlatmaslig va diniy yoki siyosiy mavzularni suhbatda ko’tarmaslig.

4.1.11. Uklonga quyidagi ma’lumotlarni taqdim etish va Uklonga (va to’lov tizimiga) uning har qanday o’zgarishi to’g’risida yozma ravishda darhol xabar berish:

● Shaxsni tasdiqlovchi hujjat;

● O’zini o’zi band qilgan shaxs sifatida ro’yhatdan o’tganligi to’g’risida ma’lumotnoma;

● Foydalanuvchining Buyurtmalarni bajarish uchun foydalaniladigan transport vositalarini davlat ro‘yxatidan o‘tkazilganligi to‘g‘risidagi guvohnoma;

● Toshkent shahri yoki Toshkent viloyatida ro‘yxatdan o‘tgan avtotransport vositasiga berilgan liniyali taksilarda yo‘lovchilarni tashish uchun litsenziya kartasi;

● STIR/JSHIR;

● Haydovchilik guvohnomasi;

● Manzil, aloqa telefoni, elektron pochta;

● UKLON DRIVER sadoqatlik dasturiga muvofiq Uklon mukofotlarining toʻgʻri toʻlanishi yoki Bonuslar hisoblanishini nazorat qilish uchun zarur boʻlgan darajada bank hisoblari va Xizmat yoki Bonuslar bilan bogʻliq har qanday toʻlov operatsiyalari haqidagi maʼlumotlar.

4.1.12. Uklon’ni Foydalanuvchining savdo agenti (komissioneri) sifatida Didox-S platformasining funksionalidan foydalanib ko’rsatish va, agar bunday holat o’zgarsa, darhol Xizmatdan foydalanishni to’xtatish;

4.1.13. UKLON DRIVER sadoqatlik dasturiga muvofiq Uklon bonus dasturlari shartlarini bajarishda Buyurtmachilar va uchinchi shaxslarning huquq va manfaatlarini buzmaslik;

4.1.14. Yukni yetkazib berish uchun buyurtmalarni qabul qilishda manzilli yozishmalarni, posilkalarni, konteynerlarni, tegishli qadoqdagi bosma nashrlarni yoki yetkazib berish uchun boshqa pochta jo‘natmalarini qabul qilmaslik.

4.1.15. Foydalanuvchi quyidagi huquqlarga ega:

4.1.16. Xizmatdan foydalanish va uni Shartnoma shartlariga muvofiq ishlatish;

4.1.17. UKLON DRIVER sadoqatlik dasturiga muvofiq amaldagi Uklon Qo’shimcha to’lov dasturlari shartlariga muvofiq Qo’shimcha to’lovlarni to’plash;

4.1.18. Uklondan Shartnoma bo’yicha o’z majburiyatlarini bajarish bilan bog’liq zarur tushuntirishlarni olish;

4.1.19. Qonun hujjatlariga muvofiq tashish taqiqlangan yoki Foydalanuvchi yoki uchinchi shaxslarning hayoti, sog’lig’i va mol-mulki uchun boshqa xavf tug’diradigan buyumlarni (predmetlarni) tashishni rad etish, va shuningdek, har qanday pochta jo’natmalarini etkazib berish uchun qabul qilishni rad etish.

4.2. Uklon majburiyatlari quyidagilar:

4.2.1. Foydalanuvchi Hisob qaydnomasini ro’yxatdan o’tkazish va Foydalanuvchiga tegishli elektron qurilma orqali Xizmatdan foydalanish imkoniyatini berish;

4.2.1. UKLON DRIVER sadoqatlik dasturiga muvofiq Foydalanuvchilar tomonidan Qo’shimcha to’lovlarni hisoblashni ta’minlaydigan Buyurtmalarning bajarilishini osonlashtirish, Qo’shimcha to’lovlarni o’z vaqtida va to’liq hisoblash va Foydalanuvchilarga mavjud Uklon Qo’shimcha to’lov dasturlari to’g’risida to’liq va dolzarb ma’lumotlarni taqdim etish;

4.2.2. Foydalanuvchiga Shartnoma shartlarini bajarish bilan bog’liq zarur ma’lumotlarni taqdim etish;

4.2.3. Buyurtmani naqdsiz to’lash holatida, To’lov tizimini jalb qilgan holda Buyurtmachilarning mablag’larini depozitga qo’yishni (eskrou-xizmatlar) ta’minlash va mos Buyurtmaga bog’liq holda depozitga qo’yilgan mablag’larni hisobga olishni ta’minlash;

4.2.4. Pul mablag’larini depozitga qo’yish holati va ularni Foydalanuvchiga yoki Buyurtmachiga o’tkazish holatiga oid ma’lumotlarni taqdim etish.

4.3. Uklon quyidagi huquqlarga ega:

4.3.1. Foydalanuvchining Shartnoma shartlariga, shuningdek «Hamkorlik shartlari va/yoki qoidalariga» muvofiqligini tekshirish;

4.3.2. Foydalanuvchidan Buyurtmachilarga tegishli darajada xizmat ko’rsatishga rioya qilishni talab qilish;

4.3.3. Agar Foydalanuvchi Shartnoma shartlarini bajarmagan yoki lozim darajada bajarmagan bo’lsa, yo’l qo’yilgan qoidabuzarliklarni bartaraf etishni talab qilish;

4.3.4. Shartnomaning 6.1-bandida nazarda tutilgan tartibda Shartnomani bir tomonlama bekor qilish;

4.3.5. Bonus dasturlarini, shaxsiy bonuslarni hisoblashni boshlash va UKLON DRIVER sadoqatlik dasturiga muvofiq Foydalanuvchilarga Bonuslarni taqdim etish, shuningdek, UKLON RIDER sadoqatlik dasturiga muvofiq Buyurtmachilarga Promo-kodlarni taqdim etish;

4.3.6. Agar Foydalanuvchi yoki uchinchi shaxs (shu jumladan, boshqalar qatorida, Buyurtmachi) Foydalanuvchining ko’magida yoki uning xabardorligida firibgarlik va/yoki boshqa xatti-harakatlarni amalga oshirayotganiga ishonish uchun asoslar mavjud bo’lsa, qonunchilikni, ushbu shartnomani, to’lov tizimining qoidalarini buzish yoki boshqa yo’l bilan Uklon huquqlari va manfaatlarini buzsa yoki Uklonni xavf ostiga qo’ysa, Xizmatdan foydalanish imkoniyatini to’xtatib turish yoki bekor qilish, kelishuv doirasidagi har qanday hisob-kitoblarni to’xtatib turish yoki ushbu Shartnomani o’z xohishiga ko’ra bir tomonlama bekor qilish;

4.3.7. Turli mezonlar (shu jumladan, lekin ular bilan cheklanmagan holda: avtomobil modeli, uning holati, qulaylik darajasi va boshqa parametrlar) asosida foydalanuvchining avtomobiliga sinfni o’z xohishiga ko’ra belgilash. Avtomobil sinflari Mobil ilovada mijozlarga ko’rsatiladi;

4.3.8. To’lov tizimiga, Davlat soliq qo’mitasiga, O’zbekiston Respublikasi Transport vazirligiga, shuningdek Didox-S platformasining egasi bo’lgan “Didox Tech” MChJga foydalanuvchilar (shu jumladan ularning shaxsiy ma’lumotlari), Buyurtmachilar, Bonuslar va Shartnoma haqida barcha ma’lumotlarni, Shartnomaning to’g’ri bajarilishi uchun zarur bo’lgan hajm va maqsadlarda olish va uzatish. Ushbu kelishuv bilan bog’liq holda yuqorida ko’rsatilgan sub’yektlarning har biriga o’tkazilishi kerak bo’lgan ma’lumotlarning aniq ro’yxati Internetda havola orqali joylashtirilgan “Shaxsiy ma’lumotlarni qayta ishlash va himoya qilish to’g’risidagi Nizom” bilan belgilanadi: https://uz.uklon.eu/user-agreement/shaxsiy-malumotlarni-qayta-ishlash-va-himoya-qilish-togrisidagi-nizom/ , “Shaxsiy ma’lumotlarni qayta ishlash va himoya qilish to’g’risidagi Nizom” sahifasi.

4.3.9. Uklon foydasiga to’lanadigan yoki qoplanadigan mablag’larni, Uklon Mukofoti, jarima yoki penya sifatida, Uklonning topshiriqlarni bajarish jarayonida olgan pul mablag’laridan ushlab qolish. Tomonlar, agar Foydalanuvchi Uklon mukofoti, jarima yoki penya to’lash majburiyatiga ega bo’lsa, bunday pul mablag’larini ushlab qolish Uklonning Shartnoma doirasida o’z zimmasiga olgan majburiyatlarini buzilishi deb hisoblanmasligini tasdiqlaydi.

4.3.10. Buyurtmani bajarish doirasida o‘z huquq va majburiyatlarini Foydalanuvchining qo’shimcha roziligisiz To’lov tizimiga topshirish.

4.3.11. Ushbu Shartnomada nazarda tutilgan boshqa huquqlar.

5. TO’LOV QIYMATI VA TARTIBI

5.1. Uklon Mukofoti. Uklon mukofotining miqdori Foydalanuvchi tomonidan amalga oshirilgan har bir buyurtma qiymatining 19% ni tashkil qiladi, shu jumladan barcha amaldagi soliqlar va to’lovlarni o’z ichiga oladi.

5.1.1. Buyurtmachilar tomonidan Foydalanuvchiga naqd pulsiz shaklda to’lanadigan Buyurtmalar uchun Uklon mukofoti to’g’ridan-to’g’ri Uklon tomonidan ushlab turiladi. Buyurtmachilar tomonidan naqd pul bilan to’lanadigan Buyurtmalar uchun Uklon ixtiyoriga ko’ra, Uklon mukofoti Uklon tomonidan Foydalanuvchi hisobining ijobiy qoldig’i hisobidan ushlab qolinadi yoki hisoblangan Qo’shimcha to’lovlar uchun Foydalanuvchining qarshi talablari hisobga olinishi mumkin.

5.1.2. Shartnomaga muvofiq Foydalanuvchi tomonidan Uklon foydasiga to’lanishi kerak bo’lgan har qanday pul miqdori (jarimalar, yetkazilgan zarar va boshqalar) Uklonning ixtiyoriga ko’ra, topshiriqni bajarish jarayonida Foydalanuvchiga tegishli bo’lgan pul miqdoridan ushlab qolinishi mumkin.

5.2. Buyurtmachilar va Foydalanuvchi o’rtasidagi hisob-kitoblar Internet-ekvayring (“ekvayring xizmati”) texnologiyasi orqali naqd yoki naqdsiz tartibda tashkil etiladi, bunda Buyurtmachilar tomonidan Foydalanuvchi foydasiga to’lovlar to’lov tizimi orqali amalga oshiriladi. Ushbu band maqsadlari uchun «ekvayring xizmati» ostida turli to’lov vositalari va asboblari yordamida topshiriqlarni bajarish doirasida ko’rsatiladigan to’lov xizmati tushuniladi, bu jarayonda Uklon To’lov tizimini to’lov xizmatlari ta’minotchisi sifatida jalb qiladi.

5.3. Foydalanuvchi topshiriqlarini bajarish doirasida Uklon tomonidan amalga oshiriladigan barcha xarajatlar, jumladan, to’lov tizimlari xizmatlari, Foydalanuvchi hisob raqamidan mablag’larni yechib olish yoki hisobni to’ldirishda to’lov tizimi komissiyasi (tegishli bank nomidan), Xizmatning axborot va texnik infrastrukturasini saqlab turish xarajatlari, ijara harajatlari, tashqi pudratchilar xizmatlari uchun to’lovlar, xodimlarning oylik maoshi va boshqa barcha xarajatlar Foydalanuvchi tomonidan Uklon foydasiga to’lanadigan mukofot orqali qoplanadi va Uklon tomonidan qo’shimcha ravishda to’lanishi talab etilmaydi, to’lov tizimi Foydalanuvchidan to’ldirish summasining 1% miqdorida alohida komissiya undirganda, Foydalanuvchi tomonidan Hisob balansini to’ldirish hollari bundan mustasno.

5.4. Soliqlar, tartibga solish talablari va boshqa xarajatlar. Foydalanuvchi o’z hisobidan Buyurtmalarni bajarishdan kelib chiqadigan yoki ular bilan bog’liq bo’lgan barcha soliqlar, yig’imlar, royalti to’lovlarini to’lash, shuningdek Buyurtmalarni bajarish, qonun hujjatlari va ushbu bitim talablariga rioya qilish bilan bog’liq yoki ular bilan bog’liq barcha boshqa xarajatlarni o’z zimmasiga oladi. Agar foydalanuvchi ushbu majburiyatlarni buzsa va shu munosabat bilan Uklonga pul jarimalari qo’llanilsa, foydalanuvchi Uklonga bunday jarimalar miqdorini qoplab berishni o’z zimmasiga oladi, shu jumladan Uklon Foydalanuvchiga tegishli mablag’lardan tegishli summani undirish huquqiga ega.

5.5. Bonuslar. UKLON DRIVER sadoqalik dasturiga muvofiq joriy bonus dasturlari shartlarini bajarganligi uchun Foydalanuvchiga to’lanadigan bonuslar mavjud bonus dasturlari shartlariga va shaxsiy bonuslarni hisoblashga muvofiq beriladi. Bonuslar Foydalanuvchi akkaunti balansiga o‘tkaziladi va Uklonning ushbu Shartnoma bo‘yicha Foydalanuvchiga da’volarini to‘lash yoki tegishli Buyurtmalarni bajarish uchun pul mukofotlariga aylantirish uchun ishlatilishi mumkin.

5.5.1. Bonuslarni taqdim etish shartlari va to’lanadigan Bonuslar miqdori UKLON DRIVER sadoqatlik dasturiga muvofiq Uklon bonus dasturlarida belgilanadi. Joriy bonus dasturlari internetda https://uz.uklon.eu/driver-update/ havolasi boʻyicha eʼlon qilinadi va Foydalanuvchi yangi bonus dasturlari haqida Push va TCP bildirishnomalarini ham oladi..

5.5.2. Bonus dasturlari va shaxsiy bonuslar turlari UKLON DRIVER sodiqlik dasturi shartlari bilan belgilanadi.

5.6. Аktuallashtirish. Shartnomaning ushbu 5-moddasida nazarda tutilgan stavkalar va tariflar Shartnomaning 6.4-bandida ko’rsatilgan tartibda Shartnomaga o’zgartirish yoki qo’shimchalar kiritish orqali Uklon tomonidan maqullangan omillarni hisobga olgan holda vaqtincha yoki doimiy ravishda, qisman yoki to’liq ravishda o’zgartirilishi mumkin.

6. SHARTNOMANING AMAL QILISHI VA BEKOR QILINISHI

6.1. Shartnoma noma’lum muddatga tuziladi va va quyidagi hollarda bekor qilinishi mumkin:

● Tomonlarning o’zaro yozma roziligi bilan istalgan vaqtda;

● Tomonlardan biri boshqa Tomonni bekor qilish kutilayotgan sanadan kamida 5 (besh) ish kuni oldin yozma ravishda xabardor qilgan holda bir tomonlama tartibda bekor qilinishi mumkin.

● ushbu Shartnomaning boshqa bandlari bilan belgilangan tartib va shartlarga muvofiq tartibda.

6.2. Agar Hisob balansi oxirgi marta to‘ldirilgan kundan boshlab 1 (bir) yil ichida Foydalanuvchi hech qanday Buyurtmani bajarmagan bo‘lsa, Shartnoma Foydalanuvchining tashabbusi bilan bekor qilingan hisoblanadi. Ushbu holat Foydalanuvchini yangi shartnoma tuzish uchun Uklonga murojaat qilish huquqidan mahrum qilmaydi.

6.3. Shartnomaning joriy versiyasi Mobil ilovaning “Xizmat haqida” bo‘limida va Internet tarmog‘ida https://uz.uklon.eu/user-agreement/ommaviy-oferta/ , havolasi, “Ommaviy Oferta” sahifasida e’lon qilinishi kerak. Foydalanuvchi Shartnomaning joriy nashr etilgan versiyasi bilan muntazam ravishda tanishishni o’z zimmasiga oladi va Shartnomaning joriy versiyasi bilan bog’liq yoki undan kelib chiqadigan barcha xavf va javobgarlikni o’z zimmasiga oladi.

6.4. Uklon o’z xohishiga ko’ra istalgan vaqtda Shartnoma shartlarini bir tomonlama o’zgartirish yoki to’ldirish huquqiga ega. Shartnomaga kiritilgan barcha o’zgartirishlar va qo’shimchalar, shu jumladan Shartnomaning yangi versiyasi, Agar Uklon tomonidan boshqacha muddat belgilanmagan bo’lsa, ular e’lon qilinganidan keyin kuchga kiradi va Foydalanuvchi tegishli o’zgartirishlar yoki qo’shimchalar bilan tanishish va ularga rioya qilish uchun javobgardir.

6.4.1. Agar Foydalanuvchi biron sababga ko’ra Shartnomaga kiritilgan o’zgartirish va qo’shimchalar bilan kelisha olmasa, Foydalanuvchi Buyurtmalarni qabul qilishdan bosh tortishi va Uklonga ularning kelishmovchilik sabablarini yozma ravishda ma’lum qilishi shart. Agar tomonlar kelishuvning 8.3-bandida belgilangan tartibda kelisha olmasalar, kelishuv nizolarni hal qilish uchun ajratilgan muddat tugagandan so’ng Foydalanuvchi tashabbusi bilan bekor qilingan deb hisoblanadi.

6.4.2. Agar Foydalanuvchi Shartnomaga o’zgartirish va qo’shimchalar e’lon qilingandan so’ng Buyurtmalarni qabul qilishni davom ettirsa, bu Foydalanuvchi tomonidan ushbu o’zgartirish va qo’shimchalarni to’liq va shartsiz qabul qilganligini tasdiqlaydi.

7. TOMONLAR JAVOBGARLIGI

7.1. Agar foydalanuvchi qabul qilingan dastlabki ikkita buyurtmadan voz kechsa, Uklon Foydalanuvchiga ogohlantirish berish huquqiga ega, Agar shartnoma muddati davomida uchinchi va har bir keyingi buyurtma qabul qilingan vaqtdan 5 minut o’tgach rad etilsa, har bir rad etish uchun 6 000 so’m jarima solinadi.

7.2. Agar foydalanuvchi buyurtmalarni bajarishda faqat favqulodda vaziyatlarda foydalanish uchun mo’ljallangan SOS tugmachasini bir necha marta asossiz bossa, Uklon 10 000 so’m miqdorigacha jarima solish huquqiga ega.

7.3. Agar Foydalanuvchi tomonidan buyurtma qiymati o’zboshimchalik bilan oshirilgan bo’lsa, Uklon Foydalanuvchidan Buyurtma qiymatining o’zboshimchalik bilan oshirilgan miqdorida jarima undirish huquqiga ega.

7.4. Agar Foydalanuvchi Qo’shimcha to’lovlarni asossiz hisoblash va / yoki Promo-kodlarni asossiz taqdim etish maqsadida sun’iy Buyurtmalarni yaratish sxemalarida ishtirok etsa, Uklon hisoblangan Qo’shimcha to’lovlar va / yoki taqdim etilgan Promo-kodlar miqdorida jarima solishga haqlidir.

7.5. Agar Foydalanuvchi ushbu Shartnomani yoki Qonunchilik talablarini buzganligi sababli Uklon zarar ko’rgan bo’lsa, Uklon talabiga binoan foydalanuvchi Uklon tomonidan yetkazilgan zararni, shu jumladan yo’qotilgan foydani to’liq qoplaydi.

7.6. Buyurtmachining foydalanuvchi buyurtmalarini bajarmaganligi yoki lozim darajada bajarmaganligi bilan bog’liq yoki undan kelib chiqadigan har qanday shikoyatlari (da’volari) Uklon tomonidan qabul qilinishi va ko’rib chiqilishi mumkin. Agar shikoyatni ko’rib chiqish natijalariga ko’ra, Uklonning oqilona fikriga ko’ra, ular asosli ekanligi aniqlansa, Uklon Foydalanuvchiga tegishli buyurtma qiymati miqdorida jarima solishga, shuningdek Foydalanuvchidan ushbu shikoyat tufayli Uklonga yetkazilgan zararni to’liq qoplashni talab qilishga haqlidir.

7.7. Agar foydalanuvchi shartnomaning 3-8-moddalarida ko’rsatilgan majburiyatlardan birini buzsa, Uklon Foydalanuvchining xizmatidan foydalanish imkoniyatini oldindan ogohlantirmasdan to’xtatish huquqiga ega. Shartnoma maqsadlari uchun sanab o’tilgan moddalarni buzish foydalanuvchi tomonidan shartnoma bo’yicha shartnoma majburiyatlarini jiddiy ravishda buzgan deb hisoblanadi.

7.8. Shartnomaning 7.7-bandida ko’rsatilgan asoslar bo’yicha Uklon xizmatidan foydalanishni to’xtatish foydalanuvchini xizmatdan foydalanish imkoniyatini to’xtatishdan oldin yuzaga kelgan majburiyatlarni bajarishdan ozod qilmaydi.

7.9. Shartnomaning 7.7-bandiga muvofiq xizmatdan foydalanish imkoniyati to’xtatilgan taqdirda, bunday foydalanish imkoniyatni qayta tiklash uchun foydalanuvchi yo’l qo’yilgan qoidabuzarliklarni to’liq bartaraf etish va bu haqida Uklonga imkon qadar tezroq xabar berish majburiyatini oladi. Agar foydalanuvchi ruxsat etilgan qoidabuzarliklarni bartaraf etmasa va Uklondan foydalanish imkoniyati to’xtatilgan kundan boshlab 5 (besh) ish kuni ichida bu haqda xabar bermasa, Uklon shartnomani bir tomonlama bekor qilish huquqiga ega.

8. BOSHQA QOIDALAR

8.1. Shartnomada nazarda tutilmagan hollarda tomonlar O’zbekiston Respublikasi qonun hujjatlariga amal qiladilar.

8.2. Ushbu shartnoma bilan tartibga solinmagan shaxsga oid ma’lumotlarni uzatish, qayta ishlash va saqlashning barcha shartlari internet tarmog’ida havola orqali joylashtirilgan “Shaxsiy ma’lumotlarni qayta ishlash va himoya qilish to’g’risidagi Nizom” bilan belgilanadi: https://uz.uklon.eu/user-agreement/shaxsiy-malumotlarni-qayta-ishlash-va-himoya-qilish-togrisidagi-nizom/ , “Shaxsiy ma’lumotlarni qayta ishlash va himoya qilish to’g’risidagi Nizom” sahifasi.

8.3. Ushbu bitim bilan bog’liq yoki undan kelib chiqadigan har qanday nizo va kelishmovchiliklar, uni tuzish, ijro etish yoki tugatish tomonlar o’rtasidagi muzokaralar yo’li bilan hal qilinishi kerak. Agar tomonlardan biri boshqa tomonga bunday nizo yoki kelishmovchilik yuzaga kelganligi to’g’risida yozma ravishda xabar berganidan keyin tomonlar 30 (o’ttiz) kalendar kun ichida nizoni muzokaralar yo’li bilan hal qila olmasalar, unda bunday nizo O’zbekiston Respublikasi sudlarida hal qilinishi kerak.

8.4. Foydalanuvchining xizmatlardan foydalanish natijasida hosil bo’lgan ma’lumotlar bazasi Uklonning mutlaq mulki bo’lib, Foydalanuvchi unga nisbatan hech qanday huquq va vakolatlarga ega bo’lmaydi.

8.5. Ushbu shartnoma rus, ingliz va o’zbek tillarida uch versiyada tuzilgan bo’lib, ularning har biri Mobil ilovaning «Xizmat haqida» bo’limida va internet tarmog`ida havola orqali mavjud https://uz.uklon.eu/user-agreement/ommaviy-oferta/, «Ommaviy oferta» sahifasi. Ushbu hujjatning rus, ingliz va o’zbek tilidagi versiyalari o’rtasida tafovutlar mavjud bo’lsa, rus tilidagi versiyaning shartlari ustunlik qiladi.

9. UKLON REKVIZITLARI

Yuridik (pochta) manzili: 100060, O‘zbekiston Respublikasi, Toshkent sh., Mirobod tumani, Taras Shevchenko ko`chasi, 34-uy, 306-xona

E-mail: uz.uklon1@uklon.eu

Tel.: +998781139995

STIR: 310448243

IFUT: 63110

Ushbu tahririyat 2024 yil 01 avgust kunidan kuchga kiradi.