1. USHBU QOIDALARDA QO’LLANILADIGAN ATAMALAR VA ULARNING TA’RIFLARI

1.1. Aksiya – «Uklon» onlayn-xizmatining qiziqish va iste’mol talabini shakllantirish va yangi foydalanuvchilarni jalb qilishga qaratilgan «-35% gacha x3» reklama aksiyasi. Aksiyaning maqsadi Tashkilotchi tomonidan taqdim etiladigan xizmatlarni, shuningdek Uklon (TM) savdo belgisini targ’ib qilish va reklama qilishdir.

1.2. Aksiya veb-sayti (keyingi o’rinlarda – Veb-sayt deb ataladi) – Internet tarmog’idagi veb-sahifa: www.uz.uklon.eu. Veb-sayt dasturiy mahsulotlar bilan bog’liq bo’lgan kompyuter dasturlash natijasidir.

1.3. Mukofot – Foydalanuvchi ro’yxatdan o’tganidan keyin 7 (yetti) kalendar kun davomida Mobil ilovadan foydalangan holda yangi Foydalanuvchi tomonidan Buyurtma qilingan birinchi uchta Xizmatning har biriga 35% gacha chegirma (promo-kod). Har qanday holda, har bir Xizmatga chegirma miqdori 6000 UZS (yetti ming so’m) dan oshmasligi kerak. Chegirma (promo-kod) dan foydalanish shartlari va tafsilotlari Mobil ilovaning «Safar uchun chegirmalar» menyu bo’limida ko’rsatilgan.

1.4. Buyurtma – Foydalanuvchining yo’lovchilarni yengil transport vositasi bilan tashishga, kichik hajmdagi yuklarni yengil transport vositasi bilan tashishga yoki zarur tafsilotlar bo’yicha tuzilgan vaqti-vaqti bilan Mobil ilova orqali mavjud bo’lishi mumkin bo’lgan boshqa xizmatlarga bo’lgan talabi.

1.5. Tashkilot va/yoki Ijrochi va/yoki Tashkilotchi – «UKLON UB» Mas’uliyati cheklangan jamiyati shaklidagi Xorijiy korxona, STIR 310 448 243, yuridik manzili: O’zbekiston Respublikasi, Toshkent shahri, Mirzo Ulug’bek tumani, Oliy Ximmat ko’chasi.

1.6. «Uklon» Mobil ilovasi (bundan buyon matnda «Mobil ilova» deb yuritiladi) – «Uklon» Onlayn xizmatidan foydalanish vositasi sifatida Foydalanuvchiga taqdim etiladigan «Uklon»deb nomlangan iOS, Android elektron qurilmalari uchun mobil dastur ko’rinishidagi EHM dasturining nusxasi.

1.7. «Uklon» Onlayn xizmati (bundan buyon matnda «Onlayn xizmat» deb yuritiladi) – mobil ilova va raqamlar, harflar, belgilar, rasmlar va ularning kombinatsiyalari (shu jumladan grafik ma’lumotlar, video ma’lumotlar va boshqalar) ko’rinishidagi EHM dasturlari va elektron ma’lumotlarning o’zaro bog’liq to’plamidan iborat texnologik platforma hisoblanib, Foydalanuvchilar tomonidan joylashtirilgan Buyurtmalar to’g’risidagi ma’lumotlarni avtomatlashtirilgan boshqarish, to’plash, qayta ishlash, tarqatish, saqlash, taqdim etish uchun mo’ljallangan. Hamkorlar tomonidan joylashtirilgan Xizmatlar takliflari to’g’risida, talab va taklif nisbati, ob-havo sharoiti, marshrutni hisobga olgan holda buyurtma narxini avtomatik hisoblash, marshrutlarni avtomatik ravishda quradigan va Foydalanuvchini Hamkor bilan bog’lash uchun ma’lumot almashishni ta’minlaydigan, Foydalanuvchiga avtomatik ravishda yaratilgan Hamkorlarning  takliflarini qidirish va ko’rib chiqish imkoniyatini beradigan, Foydalanuvchining mumkin bo’lgan bajarilish mezonlariga muvofiq, Foydalanuvchiga Hamkorlarlarning tegishli buyurtmalari va takliflarini o’z xohishiga ko’ra joylashtirish, tasdiqlash yoki rad etish imkonini beradigan va yana  boshqa omillar: joylashuv, xizmatlarning tavsiya etilgan narxini o’zgartirish, Onlayn xizmat va Hamkorlarga baho berish va ular bilan o’zaro aloqada bo’lish, foydalanish uchun mavjud bo’lgan Onlayn xizmat funktsiyalarida ko’zda tutilganidek, real vaqt rejimida dastur tomonidan qurilgan marshrutlardan foydalanish va boshqalar  Onlayn xizmatlarning dasturiy mahsulotlar bilan bog’liq kompyuter dasturlash natijasi hisoblanadi.

1.8. Hamkor – Foydalanuvchiga yengil transport vositasi bilan yo’lovchilarni tashish bo’yicha Xizmatlar, yengil transport vositasi bilan kichik yuklarni tashish bo’yicha xizmatlar yoki vaqti-vaqti bilan Mobil ilova orqali mavjud bo’lishi mumkin bo’lgan xizmatlarni ko’rsatuvchi va/yoki taklif qiluvchi Tashkilot bilan shartnomaviy munosabatlarda bo’lgan uchinchi shaxs (yuridik yoki o’z-o’zini band qilgan jismoniy shaxs).

1.9. Foydalanuvchi – Mobil ilovada ro’yxatdan o’tish paytida 18 (o’n sakkiz) yoshga to’lgan har qanday muomalaga layoqatli shaxs.

1.10. Aksiyani o’tkazish muddati va/yoki Aksiyaning Davomiyligi va/yoki Aksiyani o’tkazish davri – Aksiya o’tkaziladigan muddat (vaqt davri), 01.09.2023 soat 00:00 dan 30.04.2024 soat 23:59 gacha Toshkent vaqti (GMT+5) bo’yicha.

1.11. Aksiya o’tkaziladigan Hudud – Aksiya shartlari amal qiladigan hudud. Aksiya faqat O’zbekiston Respublikasining Toshkent shahri hududida yangi Foydalanuvchilar uchun o’tkaziladi.

1.12. Aksiya ishtirokchisi(lari) – Aksiyada ishtirok etish vaqtida kamida 18 (o’n sakkiz) yoshga to’lgan va Aksiyada ishtirok etish uchun zarur shart-sharoitlarni bajargan muomalaga layoqatli shaxs (O’zbekiston Respublikasining fuqarosi, chet el fuqarosi va fuqaroligi bo’lmagan shaxs). Aksiya faqat Mobil ilova yordamida birinchi marta ro’yxatdan o’tgan Onlayn xizmatning yangi Foydalanuvchilari uchun amal qiladi. Tashkilotchining xodimlari va ularning qarindoshlari (birinchi va ikkinchi darajali qarindoshlik) Ishtirokchilar deb tan olinmaydi va bo’lishi mumkin emas. Tashkilotchi ushbu Qoidalarni haqqoniy bajarilganiligiga shubha paydo bo’lganda yoki ularni ataylab buzish fakti aniqlanganda istalgan Ishtirokchini chiqarib yuborish huquqiga ega.

2. AKSIYADA ISHTIROK ETISH SHARTLARI VA MUKOFOT OLISH TARTIBI

2.1. Aksiyada ishtirok etish uchun Ishtirokchi Aksiya davomida quyidagi harakatlarni amalga oshirishi kerak:

• Mobil ilovani yuklab olish va birinchi marta Onlayn xizmatning Foydalanuvchisi sifatida ro’yxatdan o’tsh;
• Mobil ilovadan foydalanganda Mobil ilovaga geolokatsiyadan foydalanishga ruxsat berish;
• Mobil ilova yordamida Xizmatga Buyurtma berish.

2.2. Mukofot qabul qilinganligi haqidagi xabar Mobil ilovada Ishtirokchiga yuboriladi.  Xizmat uchun dastlabki uchta Buyurtmaning har biri Ishtirokchi tomonidan amalga oshirilganda Mukofot (chegirma) avtomatik ravishda qo’llaniladi va Ishtirokchi Hamkorga Mukofot (chegirma) ni qo’llagan holda to’lovni amalga oshiradi.

2.3. Mukofotdan foydalanish shartlari va tafsilotlari ushbu Qoidalarning 1.3-bandida va Mobil ilovaning «Safar uchun chegirmalar» menyu bo’limida ko’rsatilgan.

2.4. Ushbu Qoidalarning barcha shartlariga qat’iy rioya qilish Ishtirokchi tomonidan Mukofot olishning zaruriy shartidir. Qoidalarda nazarda tutilgan har qanday shartni bajarmaslik tegishli Ishtirokchini Mukofot olish imkoniyatidan mahrum qiladi. Ishtirokchi Mukofot olish yoki undan foydalanishni rad etish huquqiga ega.

2.5. Tashkilotchi Veb-saytda Qoidalarning yangilangan versiyasini joylashtirish (nashr etish) orqali Aksiya shartlari, Hududi va Aksiyani o’tkazish muddatlarini o’zgartirish huquqiga ega. Agar Qoidalar bilan to’g’ridan-to’g’ri boshqacha tartib belgilanadigan bo’lsa ushbu o’zgarishlar Veb-saytda e’lon qilingan paytdan boshlab kuchga kiradi.

3. CHEKLOVLAR VA TEXNIK SHARTLAR

3.1. Tashkilotchi aloqa operatorlari xizmatlari sifati, Internet-provayderlarning xizmatlari, shu jumladan, Aksiya davomida aloqa kanallaridan foydalanishda ma’lumotlarni uzatish bilan bog’liq texnik muammolar, aloqa operatorlarining ishi, aloqa operatorlari va/yoki Internet-provayderlarning har qanday xatolari sababli Aksiya Ishtirokchilariga xabar berilmagan yoki Mukofot olish huquqi to’g’risida o’z vaqtida xabardor qilinmaganligi uchun javobgar emas.

3.2. Tashkilotchisi Mukofot olish huquqi bilan bog’liq har qanday nizolar uchun javobgar emas. Har qanday holda, nizolar bo’yicha yakuniy qaror Aksiya Tashkilotchisi tomonidan qabul qilinadi va bunday qaror ustidan shikoyat qilinmaydi.

3.3. Agar Aksiya Ishtirokchisi Mukofot olish imkoniyatidan foydalanmagan bo’lsa yoki Ishtirokchi Aksiya Tashkilotchisining aybisiz mukofotdan foydalana olmagani uchun Aksiya Tashkilotchisi javobgar bo’lmaydi.

3.4. Mukofotni faqat Mukofot olish huquqiga ega bo’lgan Aksiya Ishtirokchilari olishlari mumkin. Agar Mukofot yoki uni olish huquqi bitim, to’lov vositasi yoki garov predmeti bo’lgan Mukofot olishdan oldin tuzilgan har qanday harakatlar, operatsiyalar, bitimlar, shartnomalarga yo’l qo’yilmaydi. Mukofotni pul yoki boshqa biron bir foyda bilan almashtirishga yo’l qo’yilmaydi

3.5. Agar Aksiya Ishtirokchisi biron sababga ko’ra shaxsan Mukofotni ololmasa, bunday Ishtirokchi o’z huquqini uchinchi shaxsga berishga haqli emas.

3.6. Mukofot (chegirma) dan faqat bir marta foydalanish mumkin, bunda chegirma boshqa Tashkilotchining aksiyalari va takliflari bilan umumlashtirilmaydi, boshqa Aksiya qoidalarida boshqacha qoida nazarda tutilgan hollar bundan mustasno. Agar Xizmat ko’rsatish Aksiya Ishtirokchisining aybi bilan amalga oshirilmagan bo’lsa, chegirma bekor qilinadi va chegirma Aksiya Ishtirokchisi tomonidan navbatdagi Xizmatga Buyurtma berishda ishlatilmaydi.

3.7. Aksiyada ishtirok etish maqsadida Ishtirokchi tomonidan Internet/mobil aloqa tarmog’idan foydalanish qiymati Ishtirokchi tomonidan o’z hisobidan mustaqil ravishda to’lanadi va ushbu xizmat provayderining tarif rejasiga muvofiq xizmatning standart narxiga mos keladi.

3.8. Tashkilotchi, shuningdek u tomonidan jalb qilgan uchinchi shaxslar, Internet/uyali aloqa tarmog’idagi har qanday texnik nosozliklar, shuningdek Tashkilotchidan mustaqil bo’lgan holatlar tufayli yuzaga kelgan boshqa texnik nosozliklar uchun javobgar emaslar.

4. QO’SHIMCHA SHARTLAR

4.1. Foydalanuvchilarning shaxsga oid ma’lumotlarini qayta ishlash bilan bog’liq barcha masalalar (shu jumladan, nafaqat shaxsga oid ma’lumotlarni qayta ishlash maqsadi, asoslari, qayta ishlash tartibi va rozilikni qaytarib olish masalalari) Veb-sayt va Mobil ilovada joylashtirilgan “Maxfiylik siyosati” bilan tartibga solinadi.

4.2. Tabiiy ofatlar, yong’in, suv toshqini, har qanday xarakterdagi harbiy harakatlar, blokadalar, Hududda amal qilayotgan qonunchilikdagi jiddiy o’zgarishlar, Tashkilotchi nazorati doirasida bo’lmagan boshqa holatlar kabi fors-major holatlari yuzaga kelgan taqdirda, Tashkilotchi Qoidalarni buzganligi va/yoki Mukofot bermaganligi va/yoki taqdim etilgan Mukofotdan Foydalanuvchi foydalana olmaganligi uchun javobgar emas.

4.3. Aksiya Ishtirokchisi Aksiyada ishtirok etgan holda, ushbu Qoidalarni to’liq va shartsiz ravishda qabul qilishini tasdiqlaydi.

4.4. Ishtirokchilarni Qoidalar to’g’risida xabardor qilish Qoidalarni Aksiya Veb-saytiga joylashtirish orqali amalga oshiriladi. Keyinchalik paydo bo’lishi mumkin bo’lgan qo’shimcha ma’lumotlar reklama materiallarini turli yo’llar bilan: radio, Internet va ijtimoiy tarmoqlarda, bosma reklama materiallarida, tashqi reklama vositalarida, onlayn xizmat foydalanuvchilariga elektron pochta orqali yuborish, mobil ilovada Push va TCP xabarlari, Viber yoki SMS-xabarlar va boshqa Internet-media orqali joylashtirish bilan amalga oshirilishi mumkin.

4.5. O’zbekiston Respublikasining amaldagi qonunchiligida belgilangan soliqlar va yig’imlarni to’ lash bo’yicha majburiyatlar Aksiya Qoidalarida belgilangan xususiyatlarni hisobga olgan holda O’zbekiston Respublikasining amaldagi qonunchiligiga muvofiq belgilanadi.

Tahrir 30.01.2024 kuchga kiradi.